ನ್ಯೂಸ್ ನಾಟೌಟ್: ಭಾರತದ ರೈಲ್ವೆ ವಲಯದಲ್ಲಿ ಕ್ರಾಂತಿಯನ್ನುಂಟುಮಾಡುವ ನಿಟ್ಟಿನಲ್ಲಿ ಭಾರತ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (UAE) ನಡುವೆ ಹೊಸ ರೈಲು ಸೇವೆ ಶೀಘ್ರದಲ್ಲೇ ಪ್ರಾರಂಭವಾಗಲಿದೆ. ರೈಲು ಸೇವೆಗಳು ಪ್ರಾರಂಭವಾದ ನಂತರ ಯುಎಇ ಮತ್ತು ಭಾರತದ ನಡುವಿನ ಪ್ರಯಾಣವು ಹೆಚ್ಚು ಸುಲಭವಾಗುತ್ತದೆ. ವರದಿಗಳ ಪ್ರಕಾರ, ದುಬೈ ಮತ್ತು ಮುಂಬೈ ನಡುವೆ 1,200 ಮೈಲಿ (ಸುಮಾರು 2,000 ಕಿಮೀ) ಉದ್ದದ ನೀರೊಳಗಿನ ರೈಲ್ವೆ ನಿರ್ಮಿಸಲು ಪ್ರಸ್ತಾವನೆ ಸಲ್ಲಿಸಲಾಗಿದೆ.
ನೀರಿನ ಅಡಿಯಲ್ಲಿ ಪ್ರಯಾಣಿಸುವುದು ಸಂಪೂರ್ಣವಾಗಿ ವಿಭಿನ್ನ ಅನುಭವವಾಗಿರುತ್ತದೆ. ಇದು ಇದು ಗ್ಲಾಸ್ನಿಂದ ನಿರ್ಮಿತವಾದ ರೈಲು ಭೋಗಿಯಾಗಿದ್ದು, ಇದರ ಮೂಲಕ ಪ್ರಯಾಣದ ಸಮಯದಲ್ಲಿ ಜನರು ನೀರೊಳಗಿನ ಪ್ರಪಂಚವನ್ನು ನೋಡಲು ಸಾಧ್ಯವಾಗುತ್ತದೆ ಎನ್ನಲಾಗಿದೆ.
ಭಾರತ ಮತ್ತು ದುಬೈ ನಡುವೆ ಹೊಸ ಸಾರಿಗೆ ಸೌಲಭ್ಯವನ್ನು ಒದಗಿಸಲು ಯುಎಇಯ ರಾಷ್ಟ್ರೀಯ ಸಲಹೆಗಾರ ಬ್ಯೂರೋ ಲಿಮಿಟೆಡ್ ಈ ಯೋಜನೆಯನ್ನು ಪ್ರಸ್ತಾಪಿಸಿದೆ. ಹೆಚ್ಚುವರಿಯಾಗಿ, ಈ ಯೋಜನೆಯ ಪೂರ್ಣಗೊಳಿಸುವಿಕೆಯು ಎರಡೂ ದೇಶಗಳ ನಡುವಿನ ವ್ಯಾಪಾರ ಸಂಬಂಧಗಳನ್ನು ಬಲಪಡಿಸುತ್ತದೆ.
ವರದಿಗಳ ಪ್ರಕಾರ, ಈ ಅಂಡರ್ ವಾಟರ್ ರೈಲಿನ ವೇಗ ಗಂಟೆಗೆ 600ರಿಂದ 1000 ಕಿ.ಮೀ ಇರುತ್ತದೆ. ಈ ನೀರೊಳಗಿನ ರೈಲು ಯೋಜನೆಯು ಅಗ್ಗವಾಗುವುದಿಲ್ಲ. ಇದಕ್ಕೆ ಶತಕೋಟಿ ಡಾಲರ್‌ ಗಳ ಹೂಡಿಕೆಯ ಅಗತ್ಯವಿರುತ್ತದೆ.
ಈ ರೈಲು ಪ್ರಯಾಣಿಕರ ಅನುಕೂಲವನ್ನು ಹೆಚ್ಚಿಸುವುದಲ್ಲದೆ, ದುಬೈನಿಂದ ಭಾರತಕ್ಕೆ ಕಚ್ಚಾ ತೈಲ ಮತ್ತು ಇತರ ಸರಕುಗಳನ್ನು ತ್ವರಿತವಾಗಿ ಸಾಗಿಸಲು ಹೊಸ ಮಾರ್ಗವನ್ನು ಸೃಷ್ಟಿಸುತ್ತದೆ. ಇದು ಅನುಮೋದನೆ ಪಡೆದರೆ 2030ರ ವೇಳೆಗೆ ಪೂರ್ಣಗೊಳ್ಳಲಿದೆ.
