ನ್ಯೂಸ್ ನಾಟೌಟ್: ಕನ್ನಡಿಗ ಡಾ. ಬ್ರೊ ಯಾರಿಗೆ ಗೊತ್ತಿಲ್ಲ ಹೇಳಿ. ಪ್ರತಿಯೊಬ್ಬರು ಕೂಡ ಈತನ ಕಂಟೆಂಟ್ ಗಳನ್ನು ಇಷ್ಟ ಪಡ್ತಾರೆ. ದೇಶ-ವಿದೇಶಗಳಲ್ಲಿ ಸಂಚರಿಸುತ್ತಾ ಅಚ್ಚ ಕನ್ನಡದಲ್ಲಿ ಮಾತನಾಡುವ ಡಾ. ಬ್ರೋ ಇದೀಗ ತುಳುವಿನಲ್ಲಿ ಮಾತನಾಡಿ ಸುದ್ದಿಯಾಗಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗ್ತಿದೆ.
ಈ ಕುರಿತ ವಿಡಿಯೋ ತುಣಕೊಂದನ್ನು ತುಳು ಕಂಟೆಂಟ್ ಕ್ರಿಯೇಟರ್ ಶರಣ್ ಚಿಲಿಂಬಿ ತಮ್ಮ ಇನ್ಸ್ಟಾ ಗ್ರಾಮ್ ಖಾತೆ (@the_powerhouse_vines) ಯಲ್ಲಿ ಹಂಚಿಕೊಂಡಿದ್ದಾರೆ. ಎಂಚ ಉಲ್ಲರ್ (ಹೇಗಿದ್ದೀರಿ) ಎಂಬ ತುಳು ಪದವನ್ನು ಗಗನ್ ಶ್ರೀನಿವಾಸ್ ಅಲಿಯಾಸ್ ಡಾ. ಬ್ರೊ ಗೆ ಕಲಿಸಿಕೊಟ್ಟಿದ್ದರು. ಈ ಪದವನ್ನು ಇಂಡೋನೇಷ್ಯಾದ ರಸ್ತೆಯಲ್ಲಿ ಗಾಡಿಯೊಂದರಲ್ಲಿ ಕುಳಿತು ಹೋಗುತ್ತಿರುವ ಸಂದರ್ಭದಲ್ಲಿ ಅಲ್ಲಿನ ಜನರತ್ತ ಡಾ. ಬ್ರೊ ಹೇಳಿಕೊಂಡಿದ್ದಾರೆ. ಈ ವಿಡಿಯೋ ಅಪ್ ಡೇಟ್ ಆಗಿರುವ ಕೆಲವೇ ನಿಮಿಷಗಳಲ್ಲಿ ೧೦ ಸಾವಿರಕ್ಕೂ ಅಧಿಕ ಮಂದಿ ವೀಕ್ಷಕರನ್ನು ಹೊಂದಿರುವುದು ವಿಶೇಷ.
