ನ್ಯೂಸ್ ನಾಟೌಟ್ : ಓದಿ ವಿದ್ಯಾವಂತರಾಗಿ ಸುಂದರ ಭವಿಷ್ಯ ಕಟ್ಟಿಕೊಳ್ಳಬೇಕಾಗಿದ್ದ ೧೬ ವರ್ಷದ ಬಾಲಕರೇ ಬರೋಬ್ಬರಿ ೪೪ ಸ್ಕೂಟಿಗಳನ್ನು ಕದ್ದು ಕಳ್ಳರು ಎನಿಸಿಕೊಂಡಿರುವ ಘಟನೆ ಬೆಂಗಳೂರಿನಿಂದ ವರದಿಯಾಗಿದೆ.ಇದೀಗ ಇಬ್ಬರು ಬಾಲಕರು ಒಂದೂವರೆ ವರ್ಷದ ಬಳಿಕ ಜೆಪಿನಗರ ಪೊಲೀಸರಿಗೆ ಸಿಕ್ಕಿ ಬಿದ್ದಿದ್ದಾರೆ.
ಆಕ್ಟಿವಾ, ಆಕ್ಸಸ್‌, ಡಿಯೋ ಸ್ಕೂಟರ್‌ಗಳನ್ನೇ ಟಾರ್ಗೆಟ್ ಮಾಡಿಕೊಂಡು ನಗರಾದ್ಯಂತ ಇವುಗಳನ್ನು ಕದಿಯುತ್ತಿದ್ದರು ಎಂದು ತಿಳಿದು ಬಂದಿದೆ. ಹ್ಯಾಂಡ್‌ಲಾಕ್‌ ಮುರಿಯುವಷ್ಟು ಚಾಣಾಕ್ಷತೆಯನ್ನು ಹೊಂದಿದ್ದ ಇವರಿಂದ ಬರೊಬ್ಬರಿ 44 ದ್ವಿಚಕ್ರವಾಹನ ಜಪ್ತಿ ಮಾಡಲಾಗಿದೆ ಎಂದು ತಿಳಿದು ಬಂದಿದೆ. ಕೆಆರ್‌ಪುರ ಹಾಗೂ ಬಿಟಿಎಂ ಲೇಔಟ್‌ನ 16 ವರ್ಷದ ಇಬ್ಬರು ಸಂಘರ್ಷಕ್ಕೊಳಗಾದ ಬಾಲಕರು ಸಿಕ್ಕಿ ಬಿದ್ದವರು. ಬಂಧಿತರಿಂದ 35 ಲಕ್ಷ ರೂ. ಮೌಲ್ಯದ 44 ಸ್ಕೂಟರ್‌ ಜಪ್ತಿ ಮಾಡಲಾಗಿದೆ.
