ನ್ಯೂಸ್ ನಾಟೌಟ್ : ಭಾರತೀಯ ಮಜ್ದೂರ್ ಸಂಘ ದ.ಕ ಇದರ ಮಂಗಳೂರಿನ ಕಾರ್ಯಾಲಯದಲ್ಲಿ ನಡೆದ ಜಿಲ್ಲಾ ಕಾರ್ಯಕಾರಿಣಿಯಲ್ಲಿ ಕರ್ನಾಟಕ ರಾಜ್ಯ ಕಟ್ಟಡ ನಿರ್ಮಾಣ ಮತ್ತು ಕಾಮಗಾರಿ ಮಜ್ದೂರ್ ಸಂಘ ದ.ಕ ಜಿಲ್ಲಾ ನೂತನ ಸಮಿತಿಯ ಸದಸ್ಯರಾಗಿ ಶಿಲ್ಪಾಚಾರಿ ಕಾಂತಮಂಗಲ ಆಯ್ಕೆಯಾದರು. ಈ ವೇಳೆ ಅವರನ್ನು ಕಟ್ಟಡ ನಿರ್ಮಾಣ ಮತ್ತು ಕಾಮಗಾರಿ ಮಜ್ದೂರ್ ಸಂಘ ಸುಳ್ಯ ತಾಲೂಕು ಸಮಿತಿಯ ವತಿಯಿಂದ ಸುಳ್ಯ ತಾಲೂಕು ಕಾರ್ಯಾಲಯದಲ್ಲಿ ಇಂದು ಅಭಿನಂದಿಸಲಾಯಿತು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷರಾದ ನಾರಾಯಣ ಹಾಗೂ ಉಪಾಧ್ಯಕ್ಷರಾದ ಚಂದ್ರಶೇಖರ ಅರಂತೋಡು, ಪ್ರಧಾನ ಕಾರ್ಯದರ್ಶಿಯಾದ ಮಧುಸೂಧನ, ಜೊತೆ ಕಾರ್ಯದರ್ಶಿಯಾದ ಮನೋಹರ, ಕೋಶಾಧಿಕಾರಿಯಾದ ಮೋನಪ್ಪ ಜಯನಗರ ಹಾಗೂ ಸದಸ್ಯರುಗಳಾದ ಶಿವಾನಂದ ಪಾಟೀಲ್, ಶಿಜು, ಭವಿತ್,ನವೀನ ಹಾಗೂ ಕಾರ್ಯಾಲಯದ ಸಿಬ್ಬಂದಿ ರಶ್ಮಿ ಉಪಸ್ಥಿತರಿದ್ದರು.
