ನ್ಯೂಸ್ ನಾಟೌಟ್: ಹನ್ನೊಂದು ವರ್ಷಗಳ ಹಿಂದೆ ಕರ್ನಾಟಕ ವಿಧಾನಸಭಾ ಅಧಿವೇಶನದಲ್ಲಿ ಇಬ್ಬರು ಬಿಜೆಪಿ ಸಚಿವರು ಅಶ್ಲೀಲ ಸಿನಿಮಾ ನೋಡಿ ರಡ್ ಹ್ಯಾಂಡ್ ಆಗಿ ಸಿಕ್ಕಿ ಬಿದ್ದ ಪ್ರಕರಣ ಇಡೀ ರಾಜ್ಯದ ಮಾನ ಮರ್ಯಾದೆಯನ್ನು ಬೀದಿಯಲ್ಲಿ ಹರಾಜು ಹಾಕಿತ್ತು. ಇದೀಗ ಅಂತಹದ್ದೇ ಮತ್ತೊಂದು ಪ್ರಕರಣ ನಡೆದಿದ್ದು ಬಿಜೆಪಿ ಮುಖಭಂಗಕ್ಕೆ ಒಳಗಾಗಿದೆ.
ತ್ರಿಪುರಾ ವಿಧಾನ ಸಭೆಯ ಅಧಿವೇಶನದ ವೇಳೆ ಬಿಜೆಪಿ ಶಾಸಕ ಜಾಧವ್ ಲಾಲ್‌ನಾಥ್ ಅಶ್ಲೀಲ ವಿಡಿಯೋ ನೋಡುವಾಗ ಸಿಕ್ಕಿಬಿದ್ದಿದ್ದಾರೆ. ಈ ವಿಡಿಯೋ ತುಣುಕುಗಳು ಇದೀಗ ಎಲ್ಲೆಡೆ ವೈರಲ್ ಆಗಿದೆ.
ಬಜೆಟ್ ವಿಚಾರ ಚರ್ಚೆ ನಡೆಸುತ್ತಿದ್ದಾಗ ಶಾಸಕ ಇಂತಹ ಕೀಳು ಕೃತ್ಯವನ್ನು ಎಸಗಿದ್ದಾರೆ. ಆದರೆ ತನ್ನ ಮೇಲಿನ ಆರೋಪವನ್ನು ಜಾಧವ್ ತಳ್ಳಿ ಹಾಕಿದ್ದಾರೆ. ಈ ಬೆನ್ನಲ್ಲೇ ಸದನದ ಘನತೆಗೆ ಚ್ಯುತಿ ತಂದ ಜಾಧವ್ ವರ್ತನೆಗೆ ಭಾರೀ ಟೀಕೆ ಕೇಳಿ ಬಂದಿದೆ.
