ನ್ಯೂಸ್ ನಾಟೌಟ್ : ಶಿರಾಡಿ ಗ್ರಾಮದ ಶಿರ್ವತ್ತಡ್ಕದ ರಬ್ಬರ್‌ ಟ್ಯಾಪಿಂಗ್‌ ಕೆಲಸ ಮಾಡುತ್ತಿದ್ದ ಶಾಲಿ ಎಂಬುವವರು ಸಹ ಸವಾರ ಶಿಂಡೊನೊಂದಿಗೆ ಸಂಚರಿಸುತ್ತಿದ್ದ ಬೈಕ್‌ಗೆ ಮಿತ್ತನಾಜೆ ಎಂಬಲ್ಲಿ (ಕೆಎ 21 ಇಡಿ-0242) ಫೆ.5 ರಂದು ಎದುರಿನಿಂದ ಬರುತ್ತಿದ್ದ ಮುನ್ನಾರ್‌ ಪಾಲಕಾಡ್‌, ಇರುವೇಲ್‌ ಕುನ್ನತ್‌ ಮನೆ ನಿವಾಸಿ ಸಿಜೋ ಜೆ. ಅವರ ಕೆ.ಎ. 21 ಎಲ್‌.-5968 ಸಂಖ್ಯೆಯ ಬೈಕ್‌ ಡಿಕ್ಕಿಯಾಗಿ ಸಹಸವಾರ ರಸ್ತೆಗೆ ಬಿದ್ದು ಕಾಲು, ಪಾದ, ಎಡಕಾಲಿನ ಮೊಣ ಗಂಟಿಗೆ ಗಾಯಗೊಂಡಿತ್ತು. ಸ್ಥಳೀಯರು ತಕ್ಷಣ ಗಾಯಾಳುವನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದರು.
ಈ ಸಂದರ್ಭ ಗಾಯಾಳುವಿನ ಆಸ್ಪತ್ರೆಯ ವೆಚ್ಚ ಭರಿಸುವಂತೆ ತಿಳಿಸಿದ್ದ ಸಿಜೋ ಈಗ ಆಸ್ಪತ್ರೆಯ ವೆಚ್ಚ ಭರಿಸಲು ನಿರಾಕರಿಸಿರುವುದರಿಂದ ಮಂಗಳವಾರ ಉಪ್ಪಿನಂಗಡಿ ಪೊಲೀಸ್‌ ಠಾಣೆಯಲ್ಲಿ ತಡವಾಗಿ ಪ್ರಕರಣ ದಾಖಲಾಗಿದೆ.
