ಆಟೋ ಚಾಲಕ ಕೆರೆಗೆ ಹಾರಿ ಆತ್ಮಹತ್ಯೆ ಶಂಕೆ

ನ್ಯೂಸ್ ನಾಟೌಟ್ : ಆಟೋ ಚಾಲಕನೊಬ್ಬ ಬೆಳ್ತಂಗಡಿ ತಾಲೂಕಿನ ಗುರುವಾಯುನಕರೆಯ ಕೆರೆಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಶಂಕಿಸಲಾಗಿದೆ.  

ಸ್ಥಳೀಯ ಆಟೋ ಚಾಲಕ ದಾಖಲೆ ಪತ್ರಗಳು ಕೆರೆಯ ಬಳಿ ಸಿಕ್ಕಿದೆ, ಈ ಹಿನ್ನೆಲೆಯಲ್ಲಿ ಸದ್ಯ ಪೊಲೀಸರ ಸಹಕಾರದೊಂದಿಗೆ ನುರಿತ ಈಜು ತಜ್ಞರು ಸ್ಥಳೀಯರ ಜತೆಗೂಡಿ ನೀರಿಗೆ ಹಾರಿದ ವ್ಯಕ್ತಿಯ ಹುಡುಕಾಟ ನಡೆಸುತ್ತಿದ್ದಾರೆ ಎಂದು ತಿಳಿದು ಬಂದಿದೆ. ಆತ್ಮಹತ್ಯೆ ಮಾಡಿಕೊಂಡವರ ವಿವರ ಇನ್ನಷ್ಟೇ ತಿಳಿದು ಬರಬೇಕಿದೆ. ಇಂದು ಬೆಳಗ್ಗಿನಿಂದಲೇ ಹುಡುಕಾಟ ನಡೆಯುತ್ತಿದೆ. ಜೀವನದಲ್ಲಿ ನೊಂದು ಈ ಕೃತ್ಯ ಎಸಗಿದ್ದಾನೆ ಎಂದು ತಿಳಿದು ಬಂದಿದೆ.