ನ್ಯೂಸ್‌ ನಾಟೌಟ್: ಹೆಂಡತಿ ಅತ್ತರೆ ಆಕೆಗೆ ಕೆಲವರು ಮೊಸಳೆ ಕಣ್ಣೀರು ಹಾಕ್ತಾಳೆ, ನಾಟಕ ಮಾಡ್ತಾಳೆ ಅಂತೆಲ್ಲ ಹೇಳುವವರು ಇದ್ದಾರೆ. ಆದರೆ ಚಾಣಕ್ಯನ ನೀತಿಯ ಪ್ರಕಾರ, ಅಂತಹ ಮಹಿಳೆಯರು ತಮ್ಮ ಗಂಡಂದಿರು ಮತ್ತು ಕುಟುಂಬಕ್ಕೆ ಅದೃಷ್ಟವಂತರಂತೆ. ಅದು ಹೇಗೆ ಅನ್ನೋದನ್ನು ಇಲ್ಲಿ ತಿಳಿಯೋಣ ಬನ್ನಿ..
ಮನೆಯಲ್ಲಿ ಮಹಿಳೆ ಅಳುತ್ತಿದ್ದರೆ ಅಂಥವರಿಗೆ ಸದಾ ಗೌರವ ನೀಡಬೇಕು ಎಂದು ಆಚಾರ್ಯ ಚಾಣಕ್ಯ ಹೇಳುತ್ತಾರೆ. ಈ ರೀತಿಯ ಮಹಿಳೆಯರನ್ನು ಮದುವೆಯಾಗುವ ಪುರುಷರು ಅದೃಷ್ಟವಂತರೆಂದು ಹೇಳಿದ್ದಾರೆ.ಅದಕ್ಕೆ ಕಾರಣ ಮಹಿಳೆಯರು ಅಳುವ ಅಭ್ಯಾಸವು ಕುಟುಂಬದ ಸಂತೋಷ ಮತ್ತು ಶಾಂತಿಗೆ ಒಳ್ಳೆಯದುಎಂದು ಹೇಳಿದ್ದಾರೆ. ಅಳುವ ಮಹಿಳೆ ತನ್ನ ಪತಿ ಮತ್ತು ಕುಟುಂಬದಿಂದ ದೂರವಿರಲು ಬಯಸುವುದಿಲ್ಲ. ಅಂತಹ ಮಹಿಳೆ ಯಾವಾಗಲೂ ಕುಟುಂಬವನ್ನು ಒಟ್ಟಿಗೆ ಇರಿಸುತ್ತಾಳೆ. ಯಾವುದೇ ತಪ್ಪು ಮಾಡದೆ ಅಳುವ ಮಹಿಳೆಯರು ತಮ್ಮ ಕುಟುಂಬವನ್ನು ತುಂಬಾ ಇಷ್ಟ ಪಡುತ್ತಾರೆ ಎಮದು ಹೇಳಿದ್ದಾರೆ.
ಅಳುವ ಮಹಿಳೆಗೆ ಕೋಪ ಅಥವಾ ಉದ್ವೇಗವಿರಲ್ಲ. ಏಕೆಂದರೆ ಇದೆಲ್ಲವೂ ಕಣ್ಣೀರಿನ ಮೂಲಕ ಹೊರಬರುತ್ತದೆ. ಅವರ ಮನಸ್ಸು ಶಾಂತಿಯಿಂದಿರುತ್ತದೆ, ಅದಕ್ಕಾಗಿಯೇ ಅವರ ಅನೇಕ ರೋಗಗಳು ಗುಣವಾಗುತ್ತವೆ.ಸಣ್ಣ ವಿಷಯಗಳಿಗೂ ಅಳುವ ಮಹಿಳೆಗೆ ಸೂಕ್ಷ್ಮ ಹೃದಯವಿದೆ ಎಂದು ಹೇಳಿದ್ದಾರೆ. ಅವಳು ಯಾರೊಬ್ಬರ ತಪ್ಪುಗಳನ್ನು ಬೇಗನೆ ಮರೆತುಬಿಡುತ್ತಾಳೆ ಮತ್ತು ತಕ್ಷಣ ಅವುಗಳನ್ನು ಕ್ಷಮಿಸುತ್ತಾಳೆ , ಅವಳು ದೀರ್ಘಕಾಲದವರೆಗೆ ಏನನ್ನೂ ತನ್ನ ತಲೆಯಲ್ಲಿ ಇಟ್ಟುಕೊಳ್ಳುವುದಿಲ್ಲ. ಸಣ್ಣ ವಿಷಯಗಳಿಗೆ ಅಳುವ ಮಹಿಳೆ ಸಹಾನುಭೂತಿ ಆಗಿರುತ್ತಾಳೆ. ಅವಳು ಇತರರ ಭಾವನೆಗಳನ್ನು ಅರ್ಥಮಾಡಿಕೊಳ್ಳುತ್ತಾಳೆ ಮತ್ತು ಪ್ರಶಂಸಿಸುತ್ತಾಳೆ ಎಂದು ಹೇಳಿದ್ದಾರೆ.
ಚಾಣಕ್ಯ ನೀತಿಯು ಭಾರತದ ಶ್ರೇಷ್ಠ ಬುದ್ಧಿಜೀವಿ, ರಾಜಕೀಯ ತಜ್ಞ ಮತ್ತು ಆಚಾರ್ಯ ಚಾಣಕ್ಯ ಬರೆದ ಮೂಲಭೂತ ನೀತಿಶಾಸ್ತ್ರದ ಗ್ರಂಥವಾಗಿದೆ. ಇದು ಮನುಷ್ಯನ ವ್ಯಕ್ತಿತ್ವ, ಸಾಮಾಜಿಕ ಜೀವನ, ರಾಜಕೀಯ ಕುತಂತ್ರಗಳು ಮತ್ತು ನೀತಿಯುತ ಜೀವನ ವಿಧಾನದ ಬೆಳವಣಿಗೆಯನ್ನು ಕಲಿಸುವ ದೊಡ್ಡ ಪುಸ್ತಕವೆಂದು ಪರಿಗಣಿಸಲಾಗಿದೆ.ಚಾಣಕ್ಯನ ನೀತಿಶಾಸ್ತ್ರದಲ್ಲಿ, ಮಾನವ ಜೀವನದಲ್ಲಿ ಹೇಗೆ ವರ್ತಿಸಬೇಕು, ಇತರರೊಂದಿಗೆ ಹೇಗೆ ವರ್ತಿಸಬೇಕು ಮತ್ತು ಹೇಗೆ ಜಾಗರೂಕರಾಗಿರಬೇಕು ಎಂಬುದನ್ನು ಸುಲಭವಾಗಿ ವಿವರಿಸಲಾಗಿದೆ.
