ನ್ಯೂಸ್ ನಾಟೌಟ್ : ಕಾಣೆಯಾಗಿದ್ದ ಕೂಡಿಗೆ ಸೈನಿಕ ಶಾಲೆಯ ಬಾಲಕ ಬೆಂಗಳೂರಿನಲ್ಲಿ ಪತ್ತೆಯಾಗಿದೆ ಎಂದು ವರದಿಯಾಗಿದೆ.
ಏಳನೇ ತರಗತಿ ಬಾಲಕ ಅಮಿತ್ ಅಯ್ಯಪ್ಪ ಕೂಡಿಗೆ ಸೈನಿಕ ಶಾಲೆಯಿಂದ ಹಠಾತ್ ಕಾಣೆಯಾಗಿದ್ದ. ಈತನನ್ನು ಹುಡುಕಿಕೊಡುವಂತೆ ಮನವಿ ಮಾಡಲಾಗಿತ್ತು. ತಕ್ಷಣ ಕಾರ್ಯಪ್ರವೃತ್ತರಾದ ಕೊಡಗು ಪೊಲೀಸರು ಬಾಲಕನ ಫೋಟೋ ಸಹಿತ ವಿವರನ್ನು ರಾಜ್ಯದ ಎಲ್ಲ ಠಾಣೆಗಳಿಗೂ ಕಳುಹಿಸಿಕೊಡಲಾಗಿತ್ತು. ಈ ಪ್ರಕಾರವಾಗಿ ತನಿಖೆ ನಡೆದಾಗ ಬಾಲಕ ಬೆಂಗಳೂರಿನಲ್ಲಿ ಇರುವುದು ಪತ್ತೆಯಾಗಿದೆ ಎನ್ನಲಾಗಿದೆ. ತಕ್ಷಣ ಬೆಂಗಳೂರು ಪೊಲೀಸರು ಕೊಡಗು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಇದೀಗ ಪೋಷಕರು ಬಾಲಕನನ್ನು ಕರೆ ತರುವುದಕ್ಕಾಗಿ ಬೆಂಗಳೂರಿನತ್ತ ಪ್ರಯಾಣಿಸಿದ್ದಾರೆ ಎನ್ನಲಾಗಿದೆ.
