ನ್ಯೂಸ್ ನಾಟೌಟ್: ಇಂಡೊ ಟಿಬೆಟನ್ ಗಡಿ ಪೂಲೀಸ್ (ಐಟಿಬಿಪಿ) ಕ್ಯಾಂಪಿನಿಂದ ಎರಡು ಎಕೆ-47 ರೈಫಲ್‌ಗಳು ಕಳವಾಗಿವೆ.
ಬೆಳಗಾವಿ ತಾಲೂಕಿನ ಹಾಲಭಾವಿಯಲ್ಲಿರುವ ಮಧುರೈನ 45ನೇ ಬಟಾಲಿಯನ್ ನಿಂದ ಇಲ್ಲಿನ ಕ್ಯಾಂಪಿಗೆ ಎಂಟುವಾರಗಳವರೆಗೆ ನಕ್ಸಲ್ ನಿಗ್ರಹ ತರಬೇತಿಗಾಗಿ ಬಂದಿರುವ ರಾಜೇಶಕುಮಾರ್ ಹಾಗೂ ಸಂದೀಪ್ ಮೀನಾ ಅವರಿಗೆ ನೀಡಿದ್ದ ರೈಫಲ್ಲುಗಳನ್ನು ಕಳ್ಳತನ ಮಾಡಲಾಗಿದೆ.
ಐಟಿಬಿಪಿಯು ಜುಲೈ 29ರಿಂದ ಇಲ್ಲಿ ತರಬೇತಿ ಶಿಬಿರ ನಡೆಸುತ್ತಿದೆ. ಆಗಸ್ಟ್ 17ರಂದು ರಾತ್ರಿ ಈ ಇಬ್ಬರೂ ಸಿಬ್ಬಂದಿ ಬರಾಕಿನ ಮೂರನೇ ಮಹಡಿಯಲ್ಲಿ ಈ ರೈಫಲ್ಲುಗಳನ್ನು ಇಟ್ಟು ಮಲಗಿದ್ದಾಗ ಕಳ್ಳತನವಾಗಿವೆ ಎಂದು ಕಾಕತಿ ಠಾಣೆಗೆ ದೂರು ನೀಡಲಾಗಿದೆ.
