ನ್ಯೂಸ್ ನಾಟೌಟ್ : ಸಂಪಾಜೆ, ಹಾಗೂ ಚೆಂಬು ಗ್ರಾಮದಲ್ಲಿ ಮತ್ತೆ ಭಾರಿ ಶಬ್ಧದೊಂದಿಗೆ ಭೂಕಂಪ ಸಂಭವಿಸಿದೆ. ಭಾನುವಾರ ಬೆಳಗ್ಗೆ 6.23 ಕ್ಕೆ ಭೂಕಂಪವಾಗಿದೆ. ಕೊಡಗಿನ ಕರಿಕೆ, ಪೆರಾಜೆ, ಸುಳ್ಯ ತಾಲೂಕು ಸೇರಿದಂತೆ ಬಹುತೇಕ ಭಾಗಗಳಲ್ಲಿ ಈ ಕಂಪನದ ಅನುಭವ ಆಗಿದೆ. ಈ ಬಗ್ಗೆ ಕರಿಕೆ ಗ್ಲೋಬಲ್ ಅಕಾಡೆಮಿ ವಾಟ್ಸಪ್ ಗ್ರೂಪ್ ನ ಸದಸ್ಯರೊಬ್ಬರು ನ್ಯೂಸ್ ನಾಟೌಟ್ ಗೆ ಕರೆ ಮಾಡಿ ಭೂಕಂಪದ ಅನುಭವ ಹಂಚಿಕೊಂಡಿದ್ದಾರೆ. ಅಲ್ಲದೆ ಸಂಪಾಜೆ ಗ್ರಾಮ ಪಂಚಾಯತ್ ವಾಟ್ಸಪ್ ಗ್ರೂಪ್ ನಲ್ಲಿ ಭೂಕಂಪದ ಬಗ್ಗೆ ಹಲವರು ತಮ್ಮ ಅನುಭವ ಹೇಳಿಕೊಂಡಿದ್ದಾರೆ. ಈ ಬಗ್ಗೆ ಚೆಂಬು ಗ್ರಾಮದಿಂದ ವ್ಯಕ್ತಿಯೊಬ್ಬರು ನ್ಯೂಸ್ ನಾಟೌಟ್ ಗೆ ಕರೆ ಮಾಡಿ ಇಂತಹ ಶಬ್ಧ ಇಂದೆಂದೂ ಆಗಿರಲಿಲ್ಲ. ಇದೇ ಮೊದಲ ಸಲ ಭಯಂಕರ ಶಬ್ಧ ಕೇಳಿಸಿತು. ನಾವೆಲ್ಲ ಗಾಬರಿಯಾಗಿದ್ದೇವೆ ಎಂದು ತಿಳಿಸಿದ್ದಾರೆ.
