ನ್ಯೂಸ್ ನಾಟೌಟ್: ಕರಾಚಿಯ ಕೊರಾಂಗಿ ಪ್ರದೇಶದಲ್ಲಿರುವ ‘ಮರಿ ಮಾತಾ ಮಂದಿರದ’ ವಿಗ್ರಹಗಳನ್ನು ಧ್ವಂಸಗೊಳಿಸಲಾಗಿದೆ. ಘಟನೆಯ ಕುರಿತು ಮಾಹಿತಿ ಸಿಗುತ್ತಿದ್ದಂತೆ ಪೊಲೀಸರು ಸ್ಥಳಕ್ಕೆ ಧಾವಿಸಿ ವಿಚಾರಣೆ ನಡೆಸಿದ್ದಾರೆ. ಘಟನೆಯಲ್ಲಿ ಹನುಮಾನ್ ವಿಗ್ರಹಕ್ಕೆ ಹಾನಿಯಾಗಿದ್ದು ಇತರೆ ವಿಗ್ರಹಗಳನ್ನೂ ಧ್ವಂಸ ಗೈಯಲಾಗಿದೆ ಎಂದು ವರದಿಯಾಗಿದೆ.
ಈ ಘಟನೆಯು ಕರಾಚಿಯಲ್ಲಿರುವ ಹಿಂದೂ ಸಮುದಾಯದವರಲ್ಲಿ ಆತಂಕ ಸೃಷ್ಟಿಸಿದೆ. ಸ್ಥಳದಲ್ಲಿ ಪೊಲೀಸರನ್ನು ಭದ್ರತೆಗೆ ನಿಯೋಜಿಸಲಾಗಿದೆ. ತಡರಾತ್ರಿ ಮೋಟಾರ್ ಸೈಕಲ್ ಗಳಲ್ಲಿ ಬಂದ ಆರರಿಂದ ಎಂಟು ಜನರು ದೇವಸ್ಥಾನದ ಮೇಲೆ ದಾಳಿ ನಡೆಸಿದರು. ಆದರೆ, ಯಾರು ಮತ್ತು ಏಕೆ ದಾಳಿ ನಡೆಸಿದರು ಎಂಬುದು ಎಂಬುದು ತಿಳಿದು ಬಂದಿಲ್ಲ.
