ನ್ಯೂಸ್ ನಾಟೌಟ್: ಬೀಡಾಡಿ ಗೋವೊಂದಕ್ಕೆ ಮಂಗಳವಾರ ತಡರಾತ್ರಿ ಹೊಸ ಕಾರೊಂದು ಡಿಕ್ಕಿಯಾಗಿ ಗೋವು ನರಳಿ..ನರಳಿ ಪ್ರಾಣಬಿಟ್ಟಿರುವ ದುರ್ಘಟನೆ ಸಂಪಾಜೆ ಗ್ರಾಮದ ಕಲ್ಲುಗುಂಡಿಯ ಸಂಗಂ ಸ್ಟೋರ್ ಬಳಿ ನಡೆದಿದೆ.
ಮಧ್ಯರಾತ್ರಿ 12 ಗಂಟೆಗೆ ಅಪಘಾತ ನಡೆದಿದೆ ಎಂದು ತಿಳಿದು ಬಂದಿದೆ. ಈ ವೇಳೆ ನರಳುತ್ತಿದ್ದ ಹಸುವನ್ನು ಸ್ಥಳೀಯರಾದ ಉಮ್ಮರ್ ತಾಜ್, ಪೊಲೀಸ್ ಇಲಾಖೆಯ ತಾರಾನಾಥ್ , ರಾಜು ಮತ್ತಿತರರು ಬದಿಗೆ ಸರಿಸಿ ಉಪಚರಿಸಿದರು. ಹಾಗಿದ್ದರೂ ಗೋವಿನ ಪ್ರಾಣ ರಕ್ಷಿಸುವುದಕ್ಕೆ ಸಾಧ್ಯವಾಗಿಲ್ಲ ಎಂದು ತಿಳಿದು ಬಂದಿದೆ.
ಈ ಅಪಘಾತದಿಂದ ಕಾರಿನ ಒಂದು ಭಾಗ ಸಂಪೂರ್ಣ ಪುಡಿಯಾಗಿದೆ. ಇತ್ತೀಚಿನ ದಿನಗಳಲ್ಲಿ ಸಂಪಾಜೆ, ಗೂನಡ್ಕ ಭಾಗದಲ್ಲಿ ಬೀಡಾಡಿ ಗೋವುಗಳ ಸಂಖ್ಯೆ ಹೆಚ್ಚುತ್ತಿದೆ. ಗ್ರಾಮ ಪಂಚಾಯತ್ ವತಿಯಿಂದ ಸಾಕಷ್ಟು ಮಾಹಿತಿ ನೀಡಿದ್ದರೂ ರಸ್ತೆಗಳಿಗೆ ಗೋವುಗಳನ್ನು ಬಿಡುವವರ ಬಗ್ಗೆ ಆಕ್ರೋಶ ವ್ಯಕ್ತವಾಗಿದೆ.
