ನ್ಯೂಸ್ ನಾಟೌಟ್‌: 14 ವರ್ಷದ ವಯೋಮಿತಿಯೊಳಗಿನ ಯೋಗಾಸನ ಸ್ಪರ್ಧೆಯಲ್ಲಿ ವಿಶೇಷವಾಗಿ ಸಾಧನೆ ಮಾಡಿದ ಬಾಲಪ್ರತಿಭೆ ಸೋನಾ ಅಡ್ಕಾರ್‌ ನವೆಂಬರ್‌ನಲ್ಲಿ ಮಹಾರಾಷ್ಟ್ರದಲ್ಲಿ ನಡೆಯಲಿರುವ ರಾಷ್ಟ್ರಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದ್ದಾಳೆ.
ಜಾಲ್ಸೂರಿನ ಪಯಶ್ವಿನಿ ಶಾಲೆಯಲ್ಲಿ ನಡೆದ ತಾಲೂಕು ಮಟ್ಟದ ಸ್ಪರ್ಧೆ, ಮೂಡುಬಿದಿರೆಯ ಬ್ಲೋಸಂ ಶಾಲೆಯಲ್ಲಿ ನಡೆದ ಜಿಲ್ಲಾ ಮಟ್ಟದ ಸ್ಪರ್ಧೆ, ಮೈಸೂರು ವಲಯಮಟ್ಟದ ಸ್ಪರ್ಧೆ, ಚಿತ್ರದುರ್ಗದಲ್ಲಿ 32 ಜಿಲ್ಲೆಗಳ ಸ್ಪರ್ಧಿಗಳೊಂದಿಗೆ ನಡೆದ ಸ್ಪರ್ಧೆಯಲ್ಲಿ ಸುಳ್ಯದ ಪ್ರತಿಭೆ ಸೋನಾ ಅಡ್ಕಾರ್‌ ವಿಶೇಷ ಸಾಧನೆ ಮಾಡಿ ಇದೀಗ ರಾಷ್ಟ್ರ ಮಟ್ಟಕ್ಕೆ ಆಯ್ಕೆಯಾಗಿದ್ದಾಳೆ. ಈಕೆ ಸುಳ್ಯದ ಸೈಂಟ್‌ ಜೋಸೆಫ್‌ ಆಂಗ್ಲ ಮಾಧ್ಯಮ ಶಾಲೆಯ 6ನೇ ತರಗತಿಯ ವಿದ್ಯಾರ್ಥಿನಿ. ಜಾಲ್ಸೂರು ಗ್ರಾಮದ ಶರತ್‌ ಅಡ್ಕಾರ್‌ ಹಾಗೂ ಶೋಭಾ ಶರತ್‌ ಅಡ್ಕಾರ್‌ ದಂಪತಿಯ ಪುತ್ರಿ.
