ನ್ಯೂಸ್ ನಾಟೌಟ್: ಸುಳ್ಯದ ಶಾರದಾಂಬ ಉತ್ಸವ ಭಜನಾ ಕುಣಿತದ ವೇಳೆ ರಾಷ್ಟ್ರೀಯ ಹೆದ್ದಾರಿ ದಾಟುತ್ತಿದ್ದ ಹಾವಿನ ಜೀವ ರಕ್ಷಣೆಯನ್ನು ಮಾಡಲಾಗಿದೆ.
ಮಹಿಳೆಯರ ಹಾಗೂ ಯುವತಿಯರ ಕುಣಿತಾ ಭಜನಾ ತಂಡಗಳು ಒಟ್ಟಾಗಿ ಮೆರವಣಿಗೆ ಮೂಲಕ ಬರುತ್ತಿದ್ದವು. ಈ ವೇಳೆ ದುಬೈ ಶಾಪಿಂಗ್ ಮಾಲ್ ಮೆರವಣಿಗೆ ತಂಡ ಬರುತ್ತಿದ್ದಂತೆ ಹಾವೊಂದು ಮಾಲ್ ಕಡೆಯಿಂದ ಮಾಸ್ಟರ್ಸ್ ಮೆಡಿಕಲ್ ಕಡೆಗೆ ರಸ್ತೆ ದಾಟುತ್ತಿತ್ತು. ಈ ವೇಳೆ ಜನದಟ್ಟಣೆಯೂ ಹೆಚ್ಚಿತ್ತು.
ಜೊತೆಗೆ ವಾಹನ ದಟ್ಟಣೆಯೂ ಹೆಚ್ಚಾಗಿತ್ತು, ಇದನ್ನು ಅರಿತ ಮೆರವಣಿಗೆ ಜೊತೆ ಇದ್ದ ಶಾರದಾಂಬ ಉತ್ಸವ ಸಮಿತಿಯ ಸ್ವಯಂ ಸೇವಕರು ಎರಡೂ ಕಡೆಯಿಂದ ಬರುತ್ತಿದ್ದ ವಾಹನಗಳನ್ನು ತಡೆದು ನಿಲ್ಲಿಸಿದರು. ಹಾವು ರಸ್ತೆ ದಾಟಿದ ಬಳಿಕ ಮೆರವಣಿಗೆ ಮುಂದುವರಿಯಿತು. ಈ ಕಾರ್ಯಕ್ಕೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿದೆ.
