ನ್ಯೂಸ್ ನಾಟೌಟ್: ಸುಳ್ಯದ ಆಲೆಟ್ಟಿ ಸಮೀಪದ ಗುರುಂಪು ಎಂಬಲ್ಲಿ ರಬ್ಬರ್ ಲೋಡ್ ಮಾಡುತ್ತಿದ್ದ ಲಾರಿಯೊಂದು ಹಠಾತ್ ನ್ಯೂಟ್ರಲ್ ಆಗಿ ಮುಂದಕ್ಕೆ ಚಲಿಸಿ ಕರೆಂಟ್ ಕಂಬಕ್ಕೆ ಗುದ್ದಿರುವ ಘಟನೆ ಇಂದು ಸಂಜೆ ನಡೆದಿತ್ತು. ಇದೀಗ ಆ ಲಾರಿಯನ್ನು ಸತೀಶ್ ಐವರ್ನಾಡು ಕ್ತೈನ್ , ಪ್ರಗತಿ ಆಂಬ್ಯುಲೆನ್ಸ್ ಅಚ್ಚು, ಮುತ್ತಪ್ಪನ್ ಆಂಬ್ಯುಲೆನ್ಸ್ ಅಭಿಲಾಷ್, ಮೆಸ್ಕಂ ಸಿಬ್ಬಂದಿ, ಸ್ಥಳೀಯರು ಕಾರ್ಯಾಚರಣೆ ನಡೆಸಿ ಹೊರ ತೆಗೆದಿದ್ದಾರೆ.
ಅದೃಷ್ಟವಶಾತ್ ಯಾರಿಗೂ ಯಾವುದೇ ಅಪಾಯ ಸಂಭವಿಸಿಲ್ಲ. ಪ್ರತಿ ದಿನ ಅಲ್ಲಿ ವಾಹನಗಳು ಓಡಾಡುತ್ತಿದ್ದವು. ಆದರೆ ಲಾರಿ ತನ್ನಷ್ಟಕ್ಕೆ ಮುಂದಕ್ಕೆ ಚಲಿಸಿದಾಗ ಅಲ್ಲಿ ಯಾರೂ ಇರಲಿಲ್ಲ. ಸಂಭವನೀಯ ಭಾರಿ ದುರಂತವೊಂದು ತಪ್ಪಿದೆ.
