ನ್ಯೂಸ್ ನಾಟೌಟ್: ಇತ್ತೀಚಿನ ದಿನಗಳಲ್ಲಿ ಅಪಘಾತ ಪ್ರಕರಣಗಳು ಹೆಚ್ಚುತ್ತಿದೆ. ಮನುಷ್ಯನಲ್ಲದೆ ಪ್ರಾಣಿಗಳು ಕೂಡ ಅಪಘಾತಕ್ಕೆ ಬಲಿಯಾಗ್ತಿವೆ. ಕೊಯನಾಡು ಬಳಿಯ ಆರೋಗ್ಯ ಮತ್ತು ಕ್ಷೇಮಾ ಕೇಂದ್ರ ಸಮೀಪದ ಮಾಣಿ-ಮೈಸೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ಗುರುವಾರ ತಡರಾತ್ರಿ (ಆ.8) ಗೋವೊಂದಕ್ಕೆ ವಾಹನವೊಂದು ಡಿಕ್ಕಿ ಹೊಡೆದಿದೆ.
ಅಪಘಾತದ ರಭಸಕ್ಕೆ ಗೋವು ತುಂಬಾ ಹೊತ್ತು ನರಳಿಕೊಂಡು ಅಲ್ಲೇ ಬಿದ್ದಿತ್ತು. ಆದರೆ ಯಾರೂ ಕೂಡ ಅದರ ರಕ್ಷಣೆಗೆ ಮುಂದಾಗಿಲ್ಲ. ಹೀಗಾಗಿ ಅದು ನರಳಿ..ನರಳಿ ಕೊನೆಯುಸಿರೆಳೆದಿದೆ ಎಂದು ತಿಳಿದು ಬಂದಿದೆ. ಗೋವು ರಾತ್ರಿ ಪ್ರಾಣ ಬಿಟ್ಟಿದ್ದರಿಂದ ಇಂದು ಮಧ್ಯಾಹ್ನವಾದರೂ ಯಾರೂ ಬಂದಿಲ್ಲ. ಹೀಗಾಗಿ ನೊಣಗಳು ಕೂಡ ಕುಳಿತುಕೊಂಡಿದೆ. ಹೀಗಿದ್ದರೂ ಯಾರು ಅದನ್ನು ಮುಟ್ಟುತ್ತಿಲ್ಲ ಎಂದು ವಾಹನ ಸವಾರರೊಬ್ಬರು ನ್ಯೂಸ್ ನಾಟೌಟ್ ಗೆ ತಿಳಿಸಿದ್ದಾರೆ.
