ನ್ಯೂಸ್ ನಾಟೌಟ್: ಅಮರ ಸಂಘಟನಾ ಸಮಿತಿ (ರಿ) ಸುಳ್ಯ ವತಿಯಿಂದ ವನಮಹೋತ್ಸವ ಪ್ರಯುಕ್ತ ಸುಳ್ಯದಲ್ಲಿ ಉಚಿತವಾಗಿಯೇ 1000 ಸಸಿ ವಿತರಣೆ ಕಾರ್ಯಕ್ರಮ ಜೂ.30 (ಭಾನುವಾರ) ಸುಳ್ಯದಲ್ಲಿ ನಡೆಯಲಿದೆ.
ನಗರದ ಪ್ರಭು ಬುಕ್ಸ್ ಸ್ಟಾಲ್ ಸಮೀಪ ಬೆಳಗ್ಗೆ 9.30ಕ್ಕೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಗಿಡ ನೆಡುವುದು ಮಾತ್ರವಲ್ಲ ಕೊಂಡು ಹೋದ ಗಿಡಗಳ ಆರೈಕೆ ಬಗ್ಗೆಯೂ ಅಮರ ಸಂಘಟನಾ ಸಮಿತಿ ಮೇಲುಸ್ತುವಾರಿಯನ್ನು ವಹಿಸುತ್ತಿರುವುದು ವಿಶೇಷ. ಗಿಡ ಪಡೆದುಕೊಳ್ಳುವವರು ಒಂದಷ್ಟು ನಿಯಮಗಳನ್ನು ಪಾಲಿಸಬೇಕಾಗುತ್ತದೆ.
ಎಲ್ಲಾ ಸಾರ್ವಜನಿಕ ಪರಿಸರ ಪ್ರೇಮಿಗಳಿಗೆ ಗಿಡ ವಿತರಣೆಯು ಉಚಿತವಾಗಿರುತ್ತದೆ, ಒಬ್ಬರಿಗೆ ಎರಡು ಸಸಿಗಳನ್ನು ನೀಡಲಾಗುವುದು, ಸಸಿ ವಿತರಣೆ ಕಾರ್ಯಕ್ರಮವು ಬೆಳಿಗ್ಗೆ 9:30 ರಿಂದ 12:30 ರವರೆಗೆ ನಡೆಯುವುದು, ನಮ್ಮಲ್ಲಿ ಬಾದಾಮಿ, ನೆಲ್ಲಿ ,ನೇರಳೆ ,ರಾಂಪತ್ರೆ, ಸಿಹಿಹುಣಸೆ, ಹಲಸು, ರಂಬುಟಾನ್ ಗಿಡಗಳು ಲಭ್ಯವಿದೆ. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ : ಹರ್ಷಿತ್ ಜಿ.ಜೆ- 7899943160 , ಪ್ರವೀಣ್ ಕುಲಾಲ್ -9591792438 ,ಸಾತ್ವಿಕ್ ಮಡಪ್ಪಾಡಿ- 7090335763
