ಬೆಂಗಳೂರು: ನಟಿ ಸಂಜನಾ ಗಲ್ರಾನಿ ಇತ್ತೀಚೆಗೆ ಹೆಚ್ಚು ಸುದ್ದಿ ಆಗೋದು, ಸದ್ದು ಮಾಡೋದು ಎಲ್ಲವೂ ತಮ್ಮ ಸಾಮಾಜಿಕ ಜಾಲತಾಣದ ಖಾತೆಗಳ ಮೂಲಕ. ಇನ್ನು ಸದ್ಯಕ್ಕೆ ಸಿನಿಮಾ ಅಭಿನಯ ಬಿಟ್ಟು ಸಂಜನಾ ತಮ್ಮ ಕೌಟುಂಬಿಕ ಜೀವನದಲ್ಲಿ ಹೆಚ್ಚು ಸಕ್ರಿಯವಾಗಿದ್ದಾರೆ.
ಸಂಜನಾ ಸಿನಿಮಾ ಮಾಡದೇ ಇದ್ದರು ಸೋಶಿಯಲ್ ಮೀಡಿಯಾದ ಮೂಲಕ ಅವರು ತಮ್ಮ ಅಭಿಮಾನಿಗಳಿಗೆ ಕನೆಕ್ಟ್ ಆಗಿ ಇರುತ್ತಾರೆ. ಸಂಜನಾ ವಿಡಿಯೋಗಳಿಗೆ ಸಾಕಷ್ಟು ಅಭಿಮಾನಿಗಳು ಇದ್ದಾರೆ. ಹಾಗಾಗಿ ಸಂಜನಾ ಆಗಾಗ ವಿಡಿಯೋ ಮಾಡಿ ಹಾಕುತ್ತಿರುತ್ತಾರೆ. ಆದರೆ ಈ ಬಾರಿ ಸಂಜನಾ ಒಂದು ಫೋಟೊ ಹಾಕಿ ಗಮನ ಸೆಳೆದಿದ್ದಾರೆ. ನಟಿ ಸಂಜನಾ ಸಿನಿಮಾ ನಟಿಯರ ಪೈಕಿ, ಒಬ್ಬ ಗ್ಲಾಮರ್ ನಟಿ ಎನ್ನುವುದನ್ನು ಒಪ್ಪಲೇ ಬೇಕು. ಸಂಜನಾ ಮೊದಲ ಚಿತ್ರದಿಂದಲೂ ಕೂಡ ಸಿಕ್ಕಾ ಪಟ್ಟೆ ಗ್ಲಾಮರಸ್ ಆಗಿ ತೆರೆಯ ಮೇಲೆ ಕಾಣಿಸಿಕೊಳ್ಳುತ್ತಾರೆ. ಈಗಲೂ ಕೂಡ ಸಂಜನಾ ಗ್ಲಾಮ್ ಲುಕ್ ಕಡಿಮೆ ಆಗಿಲ್ಲ.
ಈಗ ಆಕೆ ತಮ್ಮ ತಲೆ ಕೂದಲನ್ನು ದಾನ ಮಾಡಿರುವ ಬೋಳು ತಲೆಯ ಫೋಟೋ ಹಾಕಿಕೊಂಡು ಅಚ್ಚರಿ ಮೂಡಿಸಿದ್ದಾರೆ. ನಟಿ ಸಂಜನ ಹೀಗೆ ತಮ್ಮ ತಲೆ ಕೂದಲನ್ನು ದಾನ ಮಾಡಲು ಕಾರಣ ಇದೆ. ಹಾಗಂತ ಆಕೆಗೆ ಯಾವುದೋ ಖಾಯಿಲೆ ಬಂದಿಲ್ಲ. ಬದಲಿಗೆ ತಾನೇ ಸ್ವಂತ ಇಚ್ಛೆಯಿಂದ ಕೂದಲು ದಾನ ಮಾಡಿದ್ದಾರೆ. ಸಂಜನಾ ಬದುಕಲ್ಲಿ ಈಗ ಉತ್ತಮವಾದ ಸಂಗತಿಗಳು ನಡೆಯುತ್ತಿವೆ ಅಂತೆ. ಹಾಗಾಗಿ ಅವರು ಸರ್ವ ಶಕ್ತಿಗೆ ಧನ್ಯವಾದ ಹೇಳಲು ಈ ರೀತಿ ಕೂದಲು ದಾನ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.
