ನ್ಯೂಸ್ ನಾಟೌಟ್‌: ತಮಿಳುನಾಡಿನ ಕೊಯಮತ್ತೂರಿನಲ್ಲಿ ಚಿರತೆಯೊಂದು ಕೋಳಿಗಳನ್ನು ಬೇಟೆಯಾಡಿದ ಆಘಾತಕಾರಿ ಮತ್ತು ರೋಚಕ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೊಯಮತ್ತೂರಿನ ಜನವಸತಿ ಪ್ರದೇಶದಲ್ಲಿ ಚಿರತೆ ಕಾಣಿಸಿಕೊಂಡಿದೆ ಎಂದು ವರದಿ ತಿಳಿಸಿದೆ. ಕೊಯಮತ್ತೂರಿನ ಸೋಮಯನೂರು ಗ್ರಾಮದಲ್ಲಿ ಬುಧವಾರ (ಮೇ 29) ಮುಂಜಾನೆ 5 ಗಂಟೆಗೆ ಈ ಘಟನೆ ಸಂಭವಿಸಿದೆ.
ಸುಮಾರು ಹತ್ತು ಅಡಿ ಎತ್ತರದ ಮನೆಯ ಗೋಡೆಯ ಮೇಲೆ ಕೋಳಿ ಕುಳಿತಿದ್ದ ಕೋಳಿಯನ್ನು ಹಿಡಿಯಲು ಚಿರತೆ ಹಾರಿರುವುದು ಮನೆಯ ಮುಂದಿನ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಚಿರತೆ ನಿಧಾನವಾಗಿ ಬಂದು ಎತ್ತರದ ಗೋಡೆಯ ಮೇಲೆ ಕುಳಿತಿರುವ ಕೋಳಿಯ ಮೇಲೆ ಎರಗಿದೆ. ಆದರೆ, ಕೋಳಿ ಇನ್ನೊಂದು ಬದಿಗೆ ಹಾರಿ ತನ್ನನ್ನು ತಾನು ರಕ್ಷಿಸಿಕೊಳ್ಳಲು ಯತ್ನಿಸಿದ್ದು, ವಿಫಲವಾಗಿದೆ. ಜನರು ಅರಣ್ಯ ಇಲಾಖೆಗೆ ದೂರು ನೀಡಿದ್ದು ಕಾರ್ಯಾಚರಣೆ ಕೈಗೊಂಡಿದ್ದಾರೆ.
Click 👇
