ನ್ಯೂಸ್ ನಾಟೌಟ್: ಗೂಡ್ಸ್ ರೈಲೊಂದು ಮಹಾರಾಷ್ಟ್ರದ ಪಾಲ್ಘರ್ ಬಳಿ ಹಳಿ ತಪ್ಪಿದ್ದರಿಂದ 40ಕ್ಕೂ ಹೆಚ್ಚು ರೈಲುಗಳು ರದ್ದುಗೊಂಡಿವೆ ಎಂದು ಪಶ್ಚಿಮ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ. ದಹನು ರಸ್ತೆ-ಪನ್ವೇಲ್-ವಸಾಯಿ ರಸ್ತೆ, ವಸಾಯಿ ರಸ್ತೆ-ಪನ್ವೇಲ್-ವಸಾಯಿ ರಸ್ತೆ ಹಾಗೂ ವಸಾಯಿ ರಸ್ತೆ-ಪನ್ವೇಲ್-ದಹನು ರಸ್ತೆ ಮಾರ್ಗವಾಗಿ ಸಂಚರಿಸುವ ರೈಲುಗಳು ಎಂದು ಹೇಳಲಾಗಿದೆ.
ಹಳಿ ತಪ್ಪಿರುವುದರಿಂದ, ಈ ಮಾರ್ಗದ ಕೆಲವು ರೈಲುಗಳ ಸಂಚಾರ ವ್ಯತ್ಯಯವಾಗಿದೆ. ಈ ಮಾರ್ಗದ 41 ರೈಲುಗಳು ರದ್ದುಗೊಂಡಿದ್ದರೆ, 18 ರೈಲುಗಳನ್ನು ಭಾಗಶಃ ರದ್ದುಗೊಳಿಸಲಾಗಿದೆ ಎಂದು ರೈಲ್ವೇ ಇಲಾಖೆ ತಿಳಿಸಿದೆ. 9 ರೈಲುಗಳ ಮಾರ್ಗ ಬದಲಾವಣೆ ಮಾಡಲಾಗಿದೆ ಹಾಗೂ 22 ರೈಲುಗಳ ವೇಳಾಪಟ್ಟಿಯನ್ನು ಮರು ನಿಗದಿಗೊಳಿಸಲಾಗಿದೆ” ಎನ್ನಲಾಗಿದೆ. ಇಂದು ಬೆಳಗ್ಗೆ ವಿಶಾಖಪಟ್ಟಣಂನಿಂದ ಉಕ್ಕಿನ ಸುರುಳಿಗಳನ್ನು ತುಂಬಿಕೊಂಡು ಗುಜರಾತ್ ನ ಕರಂಬೇಲಿಯತ್ತ ತೆರಳುತ್ತಿದ್ದ ಗೂಡ್ಸ್ ರೈಲಿನ ಏಳು ಬೋಗಿಗಳು ಪಾಲ್ಘರ್ ರೈಲ್ವೆ ನಿಲ್ದಾಣದ ಬಳಿ ಹಳಿ ತಪ್ಪಿವೆ. ಈ ಘಟನೆಯಲ್ಲಿ ಯಾರಿಗೂ ಗಾ*ಯಗಳಾಗಿಲ್ಲ ಎನ್ನಲಾಗಿದೆ.
Click 👇
