ಕಡಬ: ಅಪ್ಪ , ಅಮ್ಮ, ನೆಂಟರು ಕೊಟ್ಟ ಚಿಲ್ಲರೆ ಹಣವನ್ನು ಕೂಡಿಟ್ಟು ಹೊಸ ಸೈಕಲ್ ತೆಗೆಯುವ ಆಸೆ ಹೊಂದಿದ್ದ ಪುಟ್ಟ ಬಾಲಕನ ಕನಸನ್ನು ಕಳ್ಳರು ಕಿತ್ತುಕೊಂಡ ಘಟನೆ ವರದಿಯಾಗಿದೆ.
ಮಾರ್ಚ್ 23ಕ್ಕೆ ಕಡಬ ತಾಲೂಕಿನ ಕೋಡಿಂಬಾಳದಲ್ಲಿ ಸಲೀಂ ಎಂಬುವವರ ಗೂಡಂಗಡಿಯೊಂದಕ್ಕೆ ನುಗ್ಗಿದ ಕಳ್ಳರು ಅಲ್ಲಿದ್ದ ವಸ್ತುಗಳನ್ನು ಕದ್ದಿದ್ದಾರೆ. ಈ ವೇಳೆ ಸಲೀಂ ಅವರ ಮಗ ಶಕೀಲ್ ಹೊಸ ಸೈಕಲ್ ತೆಗೆಯುವುದಕ್ಕಾಗಿ ಹಣವನ್ನು ಪ್ರತಿ ದಿನವೂ ಕೂಡಿಟ್ಟಿದ್ದ. ಈ ಡಬ್ಬಿಯನ್ನೇ ಕಳ್ಳರು ಎಗರಿಸಿ ಪರಾರಿಯಾಗಿದ್ದಾರೆ. ಈಗ ಬಾಲಕ ಪೊಲೀಸರಿಗೆ ತನ್ನ ಹಣವನ್ನು ಮರಳಿ ಕೊಡಿಸುವಂತೆ ಮನವಿ ಮಾಡಿಕೊಂಡಿದ್ದಾನೆ. ಸದ್ಯ ಪೊಲೀಸರು ತನಿಖೆ ನಡೆಸುತ್ತಿದ್ದು ಕಳ್ಳರ ಬಂಧನಕ್ಕೆ ಬಲೆ ಬೀಸಿದ್ದಾರೆ.
