ಸುಳ್ಯ: ಆಟೋ ರಿಕ್ಷಾಕ್ಕೆ ಬೈಕ್ ಢಿಕ್ಕಿ, ಸವಾರನಿಗೆ ಗಂಭೀರ ಗಾಯ

ಸುಳ್ಯ: ಗೂಡ್ಸ್ ಆಟೋ ರಿಕ್ಷಾಕ್ಕೆ ಬೈಕ್ ಢಿಕ್ಕಿ ಹೊಡೆದು  ಸವಾರ ಗಂಭೀರ ಗಾಯಗೊಂಡ ಘಟನೆ ಶುಕ್ರವಾರ  ರಾತ್ರಿ ಸುಳ್ಯದ ಬಾಳೆಮಕ್ಕಿ ಬಳಿ ನಡೆದಿದೆ.

ಸುಳ್ಯ ಬಾಳೆಮಕ್ಕಿ ಬಳಿ ಹಳೆಗೇಟು ಕಡೆಯಿಂದ ಸುಳ್ಯದತ್ತ ಬರುತ್ತಿದ್ದ  ಸೋಣಂಗೇರಿ ಮೂಲದ ವ್ಯಕ್ತಿಯೋರ್ವರ ಗುಜರಿ ಸಾಮಗ್ರಿಗಳನ್ನು ಸಾಗಾಟ ಮಾಡುವ  ಆಟೋರಿಕ್ಷಾ ಟೆಂಪೋ ಗೆ ಕಂದಡ್ಕ ಮೂಲದ ವ್ಯಕ್ತಿಯ ದ್ವಿಚಕ್ರ ವಾಹನ  ಡಿಕ್ಕಿಯಾಗಿದೆ . ಟ್ಯಾಕ್ಸಿ ನಿಲ್ದಾಣದ ಕೆಲ ಚಾಲಕರು ಸೇರಿ ಗಾಯಾಳುವನ್ನು ಸುಳ್ಯ ಸರಕಾರಿ ಆಸ್ಪತ್ರೆಗೆ ಆಂಬುಲೆನ್ಸ್ ಮೂಲಕ ಕಳುಹಿಸಲಾಗಿದೆ ಎಂದು ತಿಳಿದುಬಂದಿದೆ.