ತೋಟಕ್ಕೆ ನುಗ್ಗಿ ಎರಡು ಕಾಡಾನೆಗಳ ಪುಂಡಾಟಿಕೆ, ಅಪಾರ ಕೃಷಿ ಹಾನಿ

ಸುಳ್ಯ: ಆಲೆಟ್ಟಿ ಗ್ರಾಮದ ಬಡ್ಡಡ್ಕ ಸಮೀಪದ ಗುತ್ತಿನಡ್ಕ ಭಾಗದಲ್ಲಿ ಕಾಡಾನೆಗಳು ದಾಳಿ‌ ಮಾಡಿ ವ್ಯಾಪಕವಾಗಿ ಕೃಷಿ ಹಾನಿ ಮಾಡಿದೆ. ಕಳೆದ ರಾತ್ರಿ ಗುತ್ತಿನಡ್ಕದ ರಾಮ ಭಟ್ ಅವರ ತೋಟಕ್ಕೆ ನುಗ್ಗಿದ ಎರಡು

ಆನೆಗಳು ವ್ಯಾಪಕವಾಗಿ ಅಡಿಕೆ, ಬಾಳೆ, ತೆಂಗು ಸೇರಿ ವಿವಿಧ ಕೃಷಿಗಳನ್ನು ಹಾನಿ ಮಾಡಿದೆ. ತೋಟವಿಡೀ ಓಡಾಡಿದ ಆನೆಗಳು ತೋಟ, ಕೃಷಿಯ‌ನ್ನು ಪುಡಿಗಟ್ಟಿದೆ. ತೋಟಕ್ಕೆ ನೀರಾವರಿಗಾಗಿ ಅಳವಡಿಸಿದ ಪೈಪ್‌ಗಳನ್ನು ಎಳೆದು ಒಡೆದು ಹಾಕಿವೆ.