ನ್ಯೂಸ್ ನಾಟೌಟ್‌ : ಹೊಟೇಲ್‌ಗಳು ಕ್ಲೀನ್‌ ಆಗಿರಬೇಕು ಎಂದು ಗ್ರಾಹಕರು ನಿರೀಕ್ಷೆ ಮಾಡೋದು ಸಹಜ. ನಾವು ತಿನ್ನುವ ಜಾಗ ಸ್ವಚ್ಛವಾಗಿದ್ದರೆ ಮನಸ್ಸಿಗೂ ಏನೋ ಒಂದು ರೀತಿಯ ತೃಪ್ತಿ ಸಿಗುತ್ತೆ.ಆದರೆ ಈ ವಿಡಿಯೋವನ್ನು ಗಮನಿಸಿದ್ರೆ ತಿನ್ನೋ ಜಾಗ ಮಾತ್ರವಲ್ಲ ಫುಡ್‌ ರೆಡಿ ಮಾಡುವವರು ಕೂಡ ನೀಟಾಗಿರಬೇಕೆಂದು ಅನ್ಸೋದು ಸಹಜ.ಅಂತಹ ಅಸಹ್ಯಕರ ವಿಡಿಯೋವೊಂದು ಇದೀಗ ವೈರಲ್ ಆಗಿದೆ.
ಉತ್ತರ ಪ್ರದೇಶದ ಹಾಪುರ್ ನಗರದ್ದು ಎಂದು ಹೇಳಲಾಗುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿದೆ. ನಗರದ ಬುಲಂದ್‌ಶಹರ್ ರಸ್ತೆಯಲ್ಲಿರುವ ಹೋಟೆಲ್‌ವೊಂದರಲ್ಲಿ ಕಾರ್ಮಿಕನೊಬ್ಬ ಉಗುಳಿದ ಮೇಲೆ ರೊಟ್ಟಿ ಮಾಡುತ್ತಿದ್ದರು.ಇದನ್ನು ನೋಡಿ ಜನ ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ.ಯುವಕನೊಬ್ಬ ಕಾರಿನಲ್ಲಿ ಕುಳಿತು ಈ ವಿಡಿಯೋ ಮಾಡಿದ್ದಾನೆ. ಅಲ್ಲಿ ರೊಟ್ಟಿ ಮಾಡುವ ಹುಡುಗ ನಿರಂತರವಾಗಿ ಉಗುಳಿದ ಮೇಲೆ ರೊಟ್ಟಿ ಮಾಡುತ್ತಿದ್ದ. ಹುಡುಗರು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಈ ವಿಡಿಯೋ ವೈರಲ್ ಆಗಿದ್ದು, ಜನರು ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಾರೆ.
ಪೊಲೀಸರು ಈ ವಿಷಯವನ್ನು ಅರಿತು ತನಿಖೆ ಆರಂಭಿಸಿದ್ದಾರೆ. ಇದಕ್ಕೂ ಮುನ್ನ ಉಗುಳುವ ಮೂಲಕ ರೊಟ್ಟಿ ಮಾಡುವ ವಿಡಿಯೋ ಹಲವಾರು ಬಾರಿ ರಿವೀಲ್ ಆಗಿತ್ತು. ಯುಪಿಯ ಮೀರತ್ ಮತ್ತು ಲಕ್ನೋದಲ್ಲಿ ಇದೇ ರೀತಿಯ ವಿಡಿಯೋ ವೈರಲ್ ಆಗಿತ್ತು. ಮೇ 2022 ರಲ್ಲಿ ಮೀರತ್‌ನಲ್ಲಿ ನಡೆದ ವಿವಾಹ ಸಮಾರಂಭದಲ್ಲಿ ತಂದೂರಿ ರೊಟ್ಟಿಯ ಮೇಲೆ ಉಗುಳುವ ಪ್ರಕರಣ ವರದಿಯಾಗಿತ್ತು.
