ನ್ಯೂಸ್ ನಾಟೌಟ್‌ : ವಿಧಾನಸೌಧದಲ್ಲಿ ಪಾಕಿಸ್ತಾನ್ ಜಿಂದಾಬಾದ್ ಘೋಷಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ರಾಜ್ಯಸಭಾ ಸದಸ್ಯ ನಾಸೀರ್ ಹುಸೇನ್ ಗೆ ಪ್ರಮಾಣ ವಚನಕ್ಕೆ ಅವಕಾಶ ನೀಡಬಾರದು ಎಂದು ಬಿಜೆಪಿ ಮುಖಂಡರು ಆಗ್ರಹಿಸಿದ ಬೆನ್ನಲ್ಲೇ ಕಾಂಗ್ರೆಸ್ ಸಚಿವ ಕೆಎನ್ ರಾಜಣ್ಣ ಕೂಡ ಈ ಮಾತಿಗೆ ಬೆಂಬಲ ಸೂಚಿಸಿದ್ದಾರೆ ಎನ್ನಲಾಗಿದೆ.
ಪಾಕ್ ಪರ ಘೋಷಣೆ ಕೂಗವಲ್ಲಿ ನಾಸೀರ್ ಹುಸೆನ್‌ ಪಾತ್ರ ಇದ್ದರೆ ಅವರಿಗೆ ಪ್ರಮಾಣ ವಚನ ಮಾಡಲು ಬಿಡಬಾರದು ಎಂದು ಸ್ವಪಕ್ಷೀಯರ ಬಗ್ಗೆಯೇ ಅಚ್ಚರಿಯ ಹೇಳಿಕೆ ನೀಡಿದ್ದಾರೆ.
ನಗರದಲ್ಲಿ ಶುಕ್ರವಾರ(ಮಾ.8) ಈ ಬಗ್ಗೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನಾಸಿರ್ ಹುಸೇನ್ ಪಾತ್ರ ಸಾಬೀತಾದರೆ ಬಿಜೆಪಿಯವರು ಅವನ ಪ್ರಮಾಣವಚನ ತಡೆಯಲಿ. ಅವನನ್ನು ರಾಜ್ಯಸಭಾ ಸದಸ್ಯರಾಗಿನ್ನಾಗಿ‌ಯೇ ಮಾಡಬಾರದು. ದಟ್ ಈಸ್ ಮೈ ಆಗ್ರಹ ಎಂದು ಸಚಿವ ರಾಜಣ್ಣ ಹೇಳಿದ್ದಾರೆ.
