ನ್ಯೂಸ್ ನಾಟೌಟ್: ಆರನೇ ತರಗತಿಯ ವಿದ್ಯಾರ್ಥಿಯ ಜತೆಗೆ ಜಗಳವಾಡಿದ್ದ 14 ವರ್ಷದ ಬಾಲಕನೋರ್ವ ಮೃತಪಟ್ಟ ಘಟನೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ವರದಿಯಾಗಿದೆ.
ಈ ಘಟನೆಯು ಶುಕ್ರವಾರ(ಫೆ.೨೩) ಶಾಲೆಯ ಹೊರಗಡೆ ನಡೆದಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. 14 ಮತ್ತು 12 ವರ್ಷದ ಇಬ್ಬರು ಬಾಲಕರು ಕ್ಷುಲ್ಲಕ ವಿಚಾರಕ್ಕೆ ಜಗಳವಾಡಿದ್ದಾರೆ.
12 ವರ್ಷದ ಆರೋಪಿ ಬಾಲಕನು ಮತ್ತೋರ್ವನಿಗೆ ಗುದ್ದಿದ್ದರಿಂದ ಪರಿಸ್ಥಿತಿ ಉಲ್ಬಣಗೊಂಡಿತು. ಹಿರಿಯ ಹುಡುಗನಿಗೆ ತೀವ್ರವಾಗಿ ಗಾಯವಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. ಹೊಡೆದಾಟದ ವೇಳೆ ಸಂತ್ರಸ್ತನ ತಲೆ, ಮುಖ, ಎಡಗೈಗೆ ಗಾಯಗಳಾಗಿವೆ.
ವೈದ್ಯರ ಪ್ರಯತ್ನದ ಹೊರತಾಗಿಯೂ, ಹುಡುಗನು ತನ್ನ ಗಾಯಗಳಿಂದ ಅತಿಯಾದ ರಕ್ತಸ್ರಾವದಿಂದಾಗಿ ಸಾವನ್ನಪ್ಪಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಸಿಸಿಟಿವಿ ದೃಶ್ಯಾವಳಿಗಳನ್ನು ಬಳಸಿ ಶುಕ್ರವಾರ ಸಂಜೆ ಆರೋಪಿ ಮಗುವನ್ನು ಬಂಧಿಸಲಾಗಿದೆ.
