ನ್ಯೂಸ್ ನಾಟೌಟ್‌: ಮಹಾಮಾರಿ ರೋಗವೊಂದು ಆತಂಕವನ್ನು ಉಂಟುಮಾಡುತ್ತಿದ್ದು, ಪಕ್ಕದ ಆಂಧ್ರದಲ್ಲಿ ಹಕ್ಕಿಜ್ವರ ಎಲ್ಲರನ್ನೂ ಆತಂಕಕ್ಕೆ ಮೂಡಿಸಿದೆ. ನೆಲ್ಲೂರಿನಲ್ಲಿರುವ ಕೆಲವು ಕೋಳಿ ಫಾರಂಗಳಲ್ಲಿ ಭಾರೀ ಸಂಖ್ಯೆಯಲ್ಲಿ ಕೋಳಿಗಳು ಸಾಯುತ್ತಿವೆ.
ಅವುಗಳ ಸ್ಯಾಂಪಲ್‌ಗಳನ್ನು ಲ್ಯಾಬ್‌ಗೆ ಕಳುಹಿಸಿ ಪರೀಕ್ಷೆಗೆ ಒಳಪಡಿಸಿದಾಗ ಹಕ್ಕಿಜ್ವರದಿಂದ ಸಾವನ್ನಪ್ಪಿರುವುದು ಪತ್ತೆಯಾಗಿದೆ. ಈ ಹಿನ್ನೆಲೆಯಲ್ಲಿ ಅಧಿಕಾರಿಗಳು ಎಚ್ಚೆತ್ತು ಪೊದಲಕೂರು, ಕೋವೂರು, ಸೈದಾಪುರ ಭಾಗದಲ್ಲಿ ಕೋಳಿ ಅಂಗಡಿಗಳನ್ನು ಮುಚ್ಚಿಸಿದ್ದಾರೆ. ಕೋಳಿಗಳ ಸಾವಿಗೆ ಹಕ್ಕಿಜ್ವರವೇ ಕಾರಣ ಎಂದು ವರದಿ ಬಹಿರಂಗಪಡಿಸಿದೆ.
ಇದರಿಂದ ಅಧಿಕಾರಿಗಳು ಎಚ್ಚೆತ್ತಿದ್ದಾರೆ. ಜಿಲ್ಲಾಧಿಕಾರಿ ಶುಕ್ರವಾರ(ಫೆ.೧೬) ಪಶುಸಂಗೋಪನಾ ಇಲಾಖೆ ಅಧಿಕಾರಿಗಳೊಂದಿಗೆ ತುರ್ತು ಸಭೆ ನಡೆಸಿದ್ದು, ಹಕ್ಕಿಜ್ವರ ಹರಡದಂತೆ ತಕ್ಷಣ ಮುಂಜಾಗ್ರತಾ ಕ್ರಮ ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ಹಕ್ಕಿಜ್ವರದಿಂದ ಕೋಳಿಗಳು ಸಾವನ್ನಪ್ಪಿದ ಪ್ರದೇಶದಿಂದ ಒಂದು ಕಿಲೋಮೀಟರ್ ದೂರದಲ್ಲಿ ಮೂರು ತಿಂಗಳ ಕಾಲ ಕೋಳಿ ಅಂಗಡಿಗಳನ್ನು ಮುಚ್ಚುವಂತೆ ಜಿಲ್ಲಾಧಿಕಾರಿ ಆದೇಶ ಹೊರಡಿಸಿದ್ದಾರೆ. ನಿಯಮ ಉಲ್ಲಂಘಿಸುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು.
ಕೋಳಿ ಮತ್ತು ಮೊಟ್ಟೆ ತಿನ್ನದಂತೆ ಜನರಿಗೆ ಸೂಚಿಸಲಾಗಿದೆ. ಸದ್ಯ ನೆಲ್ಲೂರು ಜಿಲ್ಲೆಯಲ್ಲಿ ಮಾತ್ರ ಈ ರೋಗ ಕಾಣಿಸಿಕೊಂಡಿದೆ. ಬೇರೆಲ್ಲೂ ಇಲ್ಲ. ಆದರೆ ಅಧಿಕಾರಿಗಳು ಎಚ್ಚರಿಕೆ ವಹಿಸುವಂತೆ ಸೂಚಿಸಿದ್ದಾರೆ. ನಿಮ್ಮ ಪ್ರದೇಶದಲ್ಲಿ ಕೋಳಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಸಾಯುತ್ತಿವೆ ಎಂಬ ಮಾಹಿತಿ ಬಂದರೆ ಅಲ್ಲಿ ಕೋಳಿ ತಿನ್ನುವುದನ್ನು ನಿಲ್ಲಿಸಬೇಕು ಎಂದು ಎಚ್ಚರಿಕೆ ನೀಡಿದ್ದಾರೆ.
ಸದ್ಯ ಮಾರುಕಟ್ಟೆಯಲ್ಲಿ ಒಂದು ಕಿಲೋ ಸ್ಕಿನ್ ಲೆಸ್ ಚಿಕನ್ ಬೆಲೆ 240-260 ರೂ. ಒಂದು ಮೊಟ್ಟೆಯ ಬೆಲೆ ರೂ.6-7. ಹಕ್ಕಿಜ್ವರದ ಹಿನ್ನಲೆಯಲ್ಲಿ ಕೋಳಿ, ಮೊಟ್ಟೆ ಬೆಲೆ ಭಾರೀ ಇಳಿಕೆಯಾಗುವ ಸಾಧ್ಯತೆ ಇದೆ. ಇದರಿಂದ ಕೋಳಿ ವ್ಯಾಪಾರಿಗಳೂ ಆತಂಕಕ್ಕೆ ಒಳಗಾಗಿದ್ದಾರೆ. ಬರ್ಡ್ ಫ್ಲೂ ಪಕ್ಷಿಗಳಿಂದ ಮನುಷ್ಯರಿಗೆ ಹರಡಬಹುದು. ಒಬ್ಬ ವ್ಯಕ್ತಿಯು ವೈರಸ್ ಸೋಂಕಿಗೆ ಒಳಗಾಗಿದ್ದರೆ, ಅವನಿಂದ ಇತರರಿಗೆ ವೈರಸ್ ಹರಡುವ ಅಪಾಯವಿದೆ. ಈ ಕಾಯಿಲೆಗೆ ತುತ್ತಾದರೆ, ಕೆಮ್ಮು, ಉಸಿರಾಟದ ತೊಂದರೆ, ಜ್ವರ (100 ಡಿಗ್ರಿಗಿಂತ ಹೆಚ್ಚು), ತಲೆನೋವು, ಕೀಲು ನೋವು, ಶೀತ, ಗಂಟಲು ನೋವು, ಮೂಗಿನ ರಕ್ತಸ್ರಾವದಂತಹ ಲಕ್ಷಣಗಳು ಕಂಡುಬರುತ್ತವೆ. ಕೆಲವರು ವಾಂತಿ, ಭೇದಿ ಮತ್ತು ಕಣ್ಣಿನ ಸೋಂಕನ್ನು ಅನುಭವಿಸಬಹುದು. ವೈರಸ್ ಮಾನವ ದೇಹದಲ್ಲಿ 7 ರಿಂದ 8 ದಿನಗಳವರೆಗೆ ಇರುತ್ತದೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.
