ನ್ಯೂಸ್ ನಾಟೌಟ್‌ :ಈ ಹಿಂದೆ ನಟಿ ಹಾಗೂ ನ್ಯೂಸ್ ನಿರೂಪಕಿ ಜಾಹ್ನವಿ ಅವರು ನ್ಯೂಸ್ ಚಾನೆಲ್‌ಗೆ ಗುಡ್‌ ಬಾಯ್‌ ಹೇಳಿ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಗಿಚ್ಚಿ ಗಿಲಿಗಿಲಿ ರಿಯಾಲಿಟೀ ಶೋದಲ್ಲಿ ಪಾಲ್ಗೊಂಡಿದ್ದರು.ಇದೀಗ ಸೀಸನ್ 3 ಆರಂಭವಾಗಿದೆ. ಇದರಲ್ಲಿ ಕುಂದಾಪುರದ ಸೈನ್ಸ್‌ ಟೀಚರ್ ಒಬ್ರು ಟೀಚರ್ ವೃತ್ತಿ ಬಾಯ್‌ ಬಾಯ್‌ ಹೇಳಿ ಈ ಶೋದಲ್ಲಿ ಸ್ಪರ್ಧಿಸುತ್ತಿದ್ದಾರೆ.
ನಿರಂಜನ್ ದೇಶಪಾಂಡೆ ನಿರೂಪಣೆ, ಸಾಧು ಕೋಕಿಲ್, ಶ್ರುತಿ ಮತ್ತು ಕೋಮಲ್ ನೇತೃತ್ವದಲ್ಲಿ ಭರ್ಜರಿಯಾಗಿ ಓಪನಿಂಗ್ ಪಡೆದ ಈ ಶೋ ಈಗಾಗ್ಲೇ ಅತಿ ಹೆಚ್ಚು ಜನಪ್ರಿಯತೆಯನ್ನು ಪಡೆದುಕೊಂಡಿದೆ.ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಜೋರ್ ಸೌಂಡ್‌ ಮಾಡಿದ ವ್ಯಕ್ತಿಗಳನ್ನು ಈ ಸೀಸನ್‌ನಲ್ಲಿಯೂ ನೋಡಬಹುದು. ಅವರಲ್ಲಿ ದೀಕ್ಷಾ ಬ್ರಹ್ಮಾವರ ಕೂಡ ಒಬ್ಬರು.
ಇವರು ಸರ್ಕಾರಿ ಶಾಲೆಯಲ್ಲಿ ಸೈನ್ಸ್‌ ಟೀಚರ್ ಆಗಿ ಕೆಲಸ ಮಾಡುತ್ತಿದ್ದು, ದೀಕ್ಷಾ ಬ್ರಹ್ಮಾವರ ಅವರು ಕಾಮಿಡಿ ಮಾಡಲು ಈಗ ಕೆಲಸಕ್ಕೆ ಗುಡ್‌ ಬೈ ಹೇಳಿ ಬಂದಿದ್ದಾರೆ.ಸೋಷಿಯ್ ಮೀಡಿಯಾದಲ್ಲಿ ಕಾಮಿಡಿ ರೀಲ್ಸ್‌ ಮೂಲಕ ಸಾಕಷ್ಟು ಜನಪ್ರಿಯತೆ ಪಡೆದಿರುವ ದೀಕ್ಷಾ ಶ್ಯಾಮ- ಸುಮಂಗಲ ದಂಪತಿಯ ಪುತ್ರಿ.ಎಂಎಸ್‌ಸಿ – ಬಿಎಡ್‌ ಪದವೀಧರೆ ಆಗಿರುವ ದೀಕ್ಷಾ, ಮೊರಾರ್ಜಿ ದೇಸಾಯಿ ವಸತಿ ಶಾಲೆ ಕಮ್ಮಾಜೆಯಲ್ಲಿ ವಿಜ್ಞಾನ ಶಿಕ್ಷಕಿಯಾಗಿ ಕೆಲಸ ಮಾಡುತ್ತಿದ್ದರು.ರಂಗಭೂಮಿ ಕಲಾವಿದೆಯಾಗಿರುವ ದೀಕ್ಷಾ 70ಕ್ಕೂ ಹೆಚ್ಚು ನಾಟಕಗಳಲ್ಲಿ ಅಭಿನಯಿಸಿದ್ದಾರೆ. ಗಿಚ್ಚಿ ಗಿಲಿಗಿಲಿಯಲ್ಲಿ ಚಿಲ್ಲರ್ ಮಂಜು ಮೆಂಟರ್‌ ಆಗಿದ್ದಾರೆ. ಇವರ ಕಾಮಿಡಿ ಎಷ್ಟರ ಮಟ್ಟಿಗೆ ಜನರ ಪ್ರೀತಿಯನ್ನು ಗಳಿಸುತ್ತೆ ಕಾದು ನೋಡಬೇಕಾಗಿದೆ.
