ನ್ಯೂಸ್ ನಾಟೌಟ್‌ : ಸ್ಪರ್ಧೆ ಅಂದ ಮೇಲೆ ಹಾಗೆಯೇ ಅದೃಷ್ಟ ಯಾರಿಗೆ ಒಲಿದು ಬರುತ್ತೋ ಹೇಳಕ್ಕಾಗಲ್ಲ.ಸೋತವರು ಗೆಲ್ಲಲೂ ಬಹುದು. ಗೆದ್ದವರೂ ಸೋಲಲೂ ಬಹುದು.ಕೆಲವೊಂದ್ಸಲ ಏಕಾಂಗಿ ಹೋರಾಟ ಹಾಗೂ ನಮ್ಮ ಸ್ವಂತ ಸಾಮರ್ಥ್ಯದಿಂದ ಸ್ಪರ್ಧೆಯನ್ನು ಗೆಲ್ಲೋದಕ್ಕೆ ಸಾಧ್ಯವಿದೆ. ಇದು ಸ್ಪರ್ಧೆಯ ಒಂದು ಭಾಗವಾದರೆ, ರಿಯಾಲಿಟಿ ಶೋ ಅಂತ ಬಂದಾಗ ಇಲ್ಲಿ ಜನರೇ ನಿರ್ಧಾರ ಮಾಡುವಂಥದ್ದು,ಜನತೆ ಯಾರನ್ನು ಇಷ್ಟ ಪಡುತ್ತಾರೋ ಆ ಸ್ಪರ್ಧಿಗೆ ಓಟ್‌ ಮಾಡಿ ಗೆಲ್ಲಿಸಬೇಕಾಗುತ್ತದೆ ಇದು ಸ್ಪರ್ಧೆಯ ಇನ್ನೊಂದು ವಿಧಾನ.ಇದೀಗ ಸದ್ಯ ಬಿಗ್ಬಾಸ್ ಕನ್ನಡ ಹತ್ತನೇ ಸೀಸನ್ ನಡಿತಿದೆ.
ಹೌದು, ಈ ಶೋ ವಾರ ವಾರಕ್ಕೂ, ದಿನದಿನಕ್ಕೂ ತನ್ನ ರಂಗು, ರಂಜನೆಗಳನ್ನು ಹೆಚ್ಚಿಸಿಕೊಳ್ಳುತ್ತಲೇ ಬಂದಿದ್ದು, ನೋಡನೋಡುತ್ತಿದ್ದಂತೆಯೇ ಗ್ರ್ಯಾಂಡ್ ಫಿನಾಲೆ ಬಂದೇ ಬಿಟ್ಟಿದೆ. ಇನ್ನೊಂದು ವಾರ, ಇನ್ನೆರಡು ದಿನ ಎಂದೆಲ್ಲ ಕೌಂಟ್‌ಡೌನ್‌ಗಳು ಮುಗಿದು ಕೊನೆಗೂ ಬಿಗ್ಬಾಸ್ ಗ್ರ್ಯಾಂಡ್ ಫಿನಾಲೆಯ ಆ ಘಳಿಗೆ ಬಂದೇಬಿಟ್ಟಿದೆ.ಬಿಗ್ಬಾಸ್ ಮನೆಯಲ್ಲಿ ಮಹಿಳಾ ಸ್ಪರ್ಧಿ ಗೆಲ್ಲುವುದು ಭಾರೀ ಕಡಿಮೆ. ಆದರೆ ಈ ಸಲ ಸಿಂಗಲ್ ʻಸಿಂಹಿಣಿʼ ಎಂದೇ ಖ್ಯಾತಿ ಪಡೆದ ಸಂಗೀತಾ ಶೃಂಗೇರಿ ಅವರು ಈ ಸಲ ಟ್ರೋಫಿ ಗೆಲ್ಲೋದು ಪಕ್ಕಾ ಎನ್ನುತ್ತಿದ್ದಾರೆ ಅವರ ಫ್ಯಾನ್ಸ್‌!.
ಆರಂಭದಲ್ಲಿ ಪ್ರತಿ ವಿಚಾರಕ್ಕೂ ಸಿಕ್ಕಾಪಟ್ಟೆ ಅಳ್ತಿದ್ದ ಸಂಗೀತಾ, ಗಲಾಟೆ ಮಾಡೋದಕ್ಕೆ ಆರಂಭ ಮಾಡಿದ್ರು. ಬಳಿಕ ಮನೆಯಲ್ಲಿ ಸಿಂಹಿಣಿಯಾದ್ರು. ವಿನಯ್‌ ಹಾಗೂ ಸಂಗೀತಾ ಅವರ ಗಲಾಟೆಯೇ ಈ ಸೀಸನ್ ಪ್ರಮುಖ ಹೈಲೈಟ್‌ ಆಗಿ ಮೂಡಿ ಬಂದಿತ್ತು. ಈ ಮುಂಚೆ ಕಿಚ್ಚ ಕೂಡ ಇವರಿಬ್ಬರನ್ನು ಹೊಗಳಿ ʻಕಿಚ್ಚನ ಚಪ್ಪಾಳೆʼʼಕೊಟ್ಟಿದ್ದರು. ಸಂಗೀತಾ ಆರಂಭದಲ್ಲಿ ವಿನಯ್‌ ವಿಚಾರಕ್ಕೆ ಟ್ರೋಲ್‌ ಆಗಿದ್ದೇ ಹೆಚ್ಚು. ಆದರೆ ಈಗ ಅವರ ಧೈರ್ಯವನ್ನು ಕಂಡು ಅವರ ಫ್ಯಾನ್ಸ್‌ ʻʻಸಿಂಹಿಣಿʼʼಎಂದು ಬಿರುದನ್ನು ಕೊಟ್ಟಿದ್ದಾರೆ.ಸದ್ಯ ಇದೀಗ ಎಲ್ಲೆಡೆ ಕೇಳಿ ಬರುತ್ತಿಎಉವ ಹೆಸರು ಸಂಗೀತಾ ಅವರದ್ದು.ಯಾವುದೇ ಸಂದರ್ಭದಲ್ಲಿ ಮುಚ್ಚು ಮರೆಯಿಲ್ಲದೇ, ಮನಸ್ಸಿನಲ್ಲಿ ಇಟ್ಟುಕೊಳ್ಳದೇ ಓಪನ್ ಆಗಿ ಮಾತನಾಡುತ್ತಾರೆ.ತಮಗೆ ಏನನಿಸುತ್ತೋ ಅದನ್ನು ನೇರವಾಗಿ ಹೇಳುವ ಗುಣ ಸಂಗೀತಾ ಅವರಲ್ಲಿದೆ.ಇಡೀ ಬಿಗ್ ಬಾಸ್ ಮನೆಯಲ್ಲಿ ಕೆಲವೊಮ್ಮೆ ಯಾರ ಸಪೋರ್ಟ್‌ ಇಲ್ಲದಿದ್ದರೂ ಒಬ್ಬಂಟಿಯಾಗಿ ನಿಂತು ಆ ಸಂದರ್ಭವನ್ನು ಬಹಳ ನಾಜೂಕಿನಿಂದ ನಿಭಾಯಿಸುತ್ತಿದ್ದರು.
ಹೆಚ್ಚಿನವರಿಗೆ ಸಂಗೀತಾ ಅವರ ಈ ನಡತೆಯೇ ಇಷ್ಟವಾಗುತ್ತಾ ಹೋಯಿತು.ಆರಂಭದಲ್ಲಿ ಜನ ಇವರಿಗೆ ಬೈಯೋದಕ್ಕೆ ಸುರು ಮಾಡಿದ್ರೂ ಕೂಡ ಕ್ರಮೇಣ ಜನರ ಮನಸ್ಸನ್ನು ಗೆಲ್ಲೋದಕ್ಕೆ ಆರಂಭ ಮಾಡಿದ್ರು ಸಂಗೀತಾ ಅವರು.ಬೆಂಕಿ ತನಿಷಾ ಅವರು ಆರಂಭದಿಂದಲೂ ಟಫ್‌ ಕಾಂಪಿಟೇಶನ್‌ ಕೊಟ್ಟವರು. ದಿನ ಕಳೆದಂತೆ ತನಿಷಾ ಅವರು ಸ್ವಲ್ಪ ಸೈಲೆಂಟಾದರು. ಅವರು ಸ್ವಲ್ಪ ಸೌಂಡ್ ಕಮ್ಮಿ ಮಾಡುತ್ತಿದ್ದಂತೆ ಸಂಗೀತಾ ಅವರ ಕ್ರೇಜ್ ಜೋರಾಗಿತ್ತು. ಸಂಗೀತಾ ಅವರ ಆಟದ ಆರ್ಭಟವನ್ನು ಪ್ರೇಕ್ಷಕರು ಕೊಂಡಾಡಲು ಶುರು ಮಾಡಿದರು.
ಇದೀಗ ಸಂಗೀತಾ ಅವರೇ ಈ ಸೀಸನ್ ವಿನ್ನರ್‌ ಎಂದು ನೆಟ್ಟಿಗರು ಕಾಮೆಂಟ್‌ ಮಾಡಲು ಶುರು ಮಾಡಿದ್ದಾರೆ. ಈಗ ʻಸಂಗೀತಾ ಸಿಂಗಲ್ ಸಿಂಹಿಣಿ. ಅವರು ಖಂಡಿತಾ ವಿನ್ ಆಗುತ್ತಾರೆ, ಅವರು ನೇರ ನುಡಿಯ ಹುಡುಗಿʼʼ ಎಂದಿದ್ದಾರೆ.ಈ ಬಾರಿಯ ಬಿಗ್ ಬಾಸ್ ಟ್ರೋಫಿ ʻಚಾರ್ಲಿʼ ಚೆಲುವೆ ಸಂಗೀತಾ ಕೈ ಸೇರುತ್ತಾ?ಎಂದು ಅವರ ಅಭಿಮಾನಿಗಳು ಕುತೂಹಲದಿಂದ ಕಾಯುತ್ತಿದ್ದಾರೆ.ಹಾಗಾದರೆ ಫ್ರೆಂಡ್ಸ್ ಟೋಟಲ್ ಆಗಿ ಬಿಗ್ ಬಾಸ್ ಸೀಸನ್ ೧೦ ಕಾರ್ಯಕ್ರಮದ ಬಗ್ಗೆ,ಸಂಗೀತಾ ಅವರು ವಿನ್ ಆಗ್ತಾರೆ ಎಂದು ಜನ ಹೇಳೋ ವಿಚಾರದ ಬಗ್ಗೆ ನಿಮಗೇನನಿಸುತ್ತೇ ಅನ್ನೋದನ್ನು ಕಾಮೆಂಟ್‌ ಮೂಲಕ ತಿಳಿಸಿ..
