ನ್ಯೂಸ್ ನಾಟೌಟ್ :ತುಳು ಸಿನಿಮಾದ ಮೂಲಕ ಗುರುತಿಸಿಕೊಂಡ ಕರಾವಳಿ ಬೆಡಗಿ ಸೋನಾಲ್‌ ಮೊಂತೆರೋ ಇದೀಗ ಸ್ಯಾಂಡಲ್‌ವುಡ್‌ನಲ್ಲಿ ಬ್ಯುಸಿ ನಟಿಗಳಲ್ಲಿ ಒಬ್ಬರು. ಸೋನಾಲ್‌ ಸದ್ದಿಲ್ಲದೇ ಹೊಸ ಸಿನಿಮಾವೊಂದನ್ನು ಒಪ್ಪಿಕೊಂಡಿದ್ದಾರೆ.ಅದುವೇ “ಕುಲದಲ್ಲಿ ಕೀಳ್ಯಾವುದೋ’ ಕನ್ನಡ ಚಲನಚಿತ್ರ..!
ಹೌದು, ಎಕ್ಕಸಕ , ಪಿಲಿಬೈಲ್ ಯಮುನಕ್ಕ ಮುಂತಾದ ತುಳು ಚಿತ್ರಗಳಲ್ಲಿ ತಮ್ಮ ಕೆರಿಯರ್‌ ಆರಂಭಿಸಿದ್ದ ಈ ನಟಿ ಕೆಲ ಸಮಯಗಳಲ್ಲಿಯೇ ಕನ್ನಡ ಫಿಲ್ಮ್ ಇಂಡಸ್ಟ್ರೀಗೆ ಎಂಟ್ರಿಯಾಗಿದ್ದರು.ಹೀಗೆ ಕನ್ನಡದಲ್ಲಿಯೂ ಒಂದಷ್ಟು ಚಿತ್ರಗಳಲ್ಲಿ ನಟಿಸಿದ ಬಳಿಕ ಇದೀಗ “ಕುಲದಲ್ಲಿ ಕೀಳ್ಯಾವುದೋ’ ಚಿತ್ರದಲ್ಲಿ ನಟಿಸಲು ಸಜ್ಜಾಗಿದ್ದಾರೆ.
ಈ ಚಿತ್ರವನ್ನು ಯೋಗರಾಜ್‌ ಭಟ್‌ ಮೂವೀಸ್‌ ಹಾಗೂ ಸಂತೋಷ್‌ ಕುಮಾರ್‌ ಎ.ಕೆ ಜಂಟಿಯಾಗಿ ನಿರ್ಮಿಸುತ್ತಿದ್ದಾರೆ. ಶ್ರೇಯಸ್‌ ರಾಜ್‌ ಶೆಟ್ಟಿ ಈ ಚಿತ್ರದ ನಿರ್ದೇಶಕರಾಗಿದ್ದು, ಮಡೆನೂರು ಮನು ಈ ಚಿತ್ರದ ನಾಯಕ.ಉಳಿದಂತೆ ಚಿತ್ರದಲ್ಲಿ ದಿಗಂತ್‌, ಶರತ್‌ ಲೋಹಿತಾಶ್ವ, ರಂಗಾಯಣ ರಘು ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಈ ಚಿತ್ರದ ಮುಹೂರ್ತ ಸೋಮವಾರ ನಡೆದಿದೆ. 70ರ ದಶಕದಲ್ಲಿ ನಡೆಯುವ ಕಥೆ ಹೊಂದಿರುವ ಈ ಚಿತ್ರದಲ್ಲಿ ಸಾಕಷ್ಟು ವಿಭಿನ್ನ ಅಂಶಗಳನ್ನು ಹೇಳಲಿದೆಯಂತೆ ಚಿತ್ರತಂಡ. ಚಿತ್ರಕ್ಕೆ ಮನೋಮೂರ್ತಿ ಸಂಗೀತ ನಿರ್ದೇಶನವಿದೆ.ಚಿತ್ರ ಹೇಗಿದೆ ಅನ್ನೋದಕ್ಕೆ ನೀವು ಸ್ವಲ್ಪ ದಿನ ಕಾಯಲೇಬೇಕಾಗಿದೆ.
