ನ್ಯೂಸ್ ನಾಟೌಟ್: ” ಲಾಟರಿಯಲ್ಲಿ ಮಿಲಿಯನ್ ಡಾಲರ್‌ ಗೆದ್ದ ಮಹಿಳೆಯೊಬ್ಬರು ವೇದಿಕೆಯಲ್ಲೇ ಕುಸಿದು ಬಿದ್ದಿರುವ ಘಟನೆಯ ನಡೆದಿದೆ. ಡಿ.೩೧ರ ಈ ವಿಡಿಯೋ ತಡವಾಗಿ ವೈರಲ್ ಆಗಿಗುತ್ತಿದೆ.
ಅಮೆರಿಕದ ಉತ್ತರ ಕೆರೊಲಿನಾದ ಪಮೇಲಾ ಬ್ರಾಡ್ಶಾ ಎನ್ನುವ ಮಹಿಳೆ ಹಿಂದೆಂದೂ ನ್ಯೂಯಾರ್ಕ್ ನಗರಕ್ಕೆ ಭೇಟಿ ನೀಡಿರಲಿಲ್ಲ. ಆದರೆ, ಸ್ಟೇಟ್‌ ಲಾಟರಿ ಸ್ಪರ್ಧೆಯಲ್ಲಿ ಎರಡನೇ ಸುತ್ತಿನಲ್ಲಿ ಆಯ್ಕೆಯಾಗುವ ಮೂಲಕ ವಿಐಪಿ ಪ್ರವಾಸದ ಅವಕಾಶವನ್ನು ಪಮೇಲಾ ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ.
$1 ಮಿಲಿಯನ್ ಗೆಲ್ಲುವ ಅವಕಾಶವನ್ನು ಪಡೆದ ಐವರು ಪವರ್‌ಬಾಲ್ ಆಟಗಾರರಲ್ಲಿ ಪಮೇಲಾ ಬ್ರಾಡ್ಶಾ ಒಬ್ಬರಾಗಿದ್ದಾರೆ ಎಂದು ವರದಿ ತಿಳಿಸಿದೆ.
ಹೊಸ ವರ್ಷದ ಮುನ್ನ ದಿನ ರಾಕಿನ್ ಈವ್ ಈವೆಂಟ್ ಎನ್ನುವ ಕಾರ್ಯಕ್ರಮದಲ್ಲಿ ಐವರನ್ನು ನಿಲ್ಲಿಸಿ ಮಿಲಿಯನ್ ಡಾಲರ್‌ ಗೆಲ್ಲುವವರ ಹೆಸರನ್ನು ಘೋಷಿಸಿದ್ದಾರೆ. “ಪಮೇಲಾ! ನೀವು ಮಿಲಿಯನೇರ್!” ಎಂದು ಹೇಳುತ್ತಿದ್ದಂತೆ ಖುಷಿಯಿಂದ ಪಮೇಲಾ ವೇದಿಕೆ ಮೇಲೆಯೇ ಕುಸಿದು ಬಿದ್ದಿದ್ದಾರೆ. ಒಂದು ಕ್ಷಣ ಇದು ಸತ್ಯವೆನನ್ನುವುದನ್ನು ನಂಬಲಾಗದೆ ಅವರು ಭಾವುಕರಾಗಿದ್ದಾರೆ.
