ನ್ಯೂಸ್ ನಾಟೌಟ್ : ಶ್ರೀ ರಾಮನ ಮೇಲಿನ ಭಕ್ತಿಯನ್ನು ಅಯೋದ್ಯೆಗೆ ನಾನಾ ಬಗೆಯ ಕಾಣಿಕೆಗಳನ್ನು ಅರ್ಪಿಸುವ ಮೂಲಕ ಆ ಕಾಣಿಕೆಗಳೇ ಸುದ್ದಿಯಾಗುತ್ತಿವೆ. ಇತ್ತೀಚೆಗೆ 5000 ವಜ್ರಗಳ ಬೆಳ್ಳಿಯ ಹಾರ ರಾಮನಿಗೆ ಅರ್ಪಿಸುವ ಬಗ್ಗೆ ಸುದ್ದಿಯಾಗಿತ್ತು.
ಈಗಾಗಲೇ ಅಯೋಧ್ಯೆ ರಾಮ ಮಂದಿರದ ಉದ್ಘಾಟನೆಗೆ ದಿನಗಣನೆ ಆರಂಭವಾಗುತ್ತಿದ್ದಂತೆ ಭಕ್ತರು ನಾನಾ ರೀತಿಯಲ್ಲಿ ಸೇವೆಗಳನ್ನು ನೀಡಲು ಮುಂದಾಗಿದ್ದಾರೆ. ಅದರಂತೆ ಗುಜರಾತ್ ನ ವಡೋದರಾದ ಭಕ್ತನೋರ್ವ ಅಯೋಧ್ಯಾ ರಾಮ ಮಂದಿರಕ್ಕೆ ಸುಮಾರು 108 ಅಡಿ ಉದ್ದದ ಅಗರಬತ್ತಿಯೊಂದನ್ನು ನೀಡಲು ಮುಂದಾಗಿದ್ದಾರೆ.
ಅಯೋಧ್ಯೆಯಲ್ಲಿ ರಾಮಮಂದಿರ ಉದ್ಘಾಟನೆಯ ನಂತರ ಮುಂಬರುವ ತಿಂಗಳುಗಳಲ್ಲಿ ಈ ಸ್ಥಳವು ಲಕ್ಷಾಂತರ ಯಾತ್ರಾರ್ಥಿಗಳಿಗೆ ಆತಿಥ್ಯ ವಹಿಸುವ ನಿರೀಕ್ಷೆಯಿರುವುದರಿಂದ ನಗರದಲ್ಲಿ ವಿವಿಧ ಮೂಲಸೌಕರ್ಯ ಯೋಜನೆಗಳು ನಡೆಯುತ್ತಿವೆ ಎಂದು ವರದಿ ತಿಳಿಸಿದೆ.
ಬೃಹತ್ ಗಾತ್ರದ ಅಗರಬತ್ತಿಯು 3,000 ಕೆಜಿ ಗಿರ್ ಹಸುವಿನ ಸೆಗಣಿ, 91 ಕೆಜಿ ಗಿರ್ ಹಸುವಿನ ತುಪ್ಪ, 280 ಕೆಜಿ ದೇವದಾರ್ ಮರದ ಪುಡಿ, 376 ಕೆಜಿ ಗುಗಲ್, 280 ಕೆಜಿ ತಾಲ್, 280 ಕೆಜಿ ಜಾವ್, 370 ಕೆಜಿ ಪುಡಿ ಮಾಡಿದ ಕೊಪ್ರಾ ಮರದ ಪುಡಿಯನ್ನು ಸೇರಿಸಿ 108 ಅಡಿ ಉದ್ದದ ಬೃಹತ್ ಗಾತ್ರದ ಊದುಬತ್ತಿಯನ್ನು ನಿರ್ಮಿಸಿದ್ದು ಇದರ ಒಟ್ಟು ತೂಕ 3,500 ಕೆಜಿ ಹೊಂದಿದೆ ಎಂದು ಹೇಳಲಾಗಿದೆ.
ಗುಜರಾತ್‌ನ ವಡೋದರಾದಲ್ಲಿ 108 ಅಡಿ ಉದ್ದದ ಅಗರಬತ್ತಿಯನ್ನು ಸಿದ್ಧಪಡಿಸಲಾಗುತ್ತಿದ್ದು, ರಾಮ ಮಂದಿರದ ಉದ್ಘಾಟನೆಗೂ ಮುನ್ನ ಊದುಬತ್ತಿಯನ್ನು ರಸ್ತೆ ಮಾರ್ಗದ ಮೂಲಕ ಅಯೋಧ್ಯೆಗೆ ಸಾಗಿಸಲಾಗುವುದು ಎಂದು ಹೇಳಿದ್ದಾರೆ.
