ನ್ಯೂಸ್ ನಾಟೌಟ್ : ಮೊದ ಮೊದಲು ಮನೆಮಂದಿಯೆಲ್ಲಾ ಕುಳಿತು ಕೊಂಡು ನೋಡುತ್ತಿದ್ದ ಬಿಗ್ ಬಾಸ್ ಕಾರ್ಯಕ್ರಮವೀಗ ಮೌಲ್ಯಗಳನ್ನು ಕಳೆದುಕೊಳ್ಳುತ್ತಿದೆ.ಇತ್ತೀಚೆಗೆ ಕನ್ನಡ ಬಿಗ್ ಬಾಸ್‌ಗೂ ವ್ಯಾಪಕ ಆಕ್ರೋಶ ವ್ಯಕ್ತವಾಗಿತ್ತು.ಇದೀಗ ನಟ ಸಲ್ಮಾನ್ ಖಾನ್ ನಡೆಸಿಕೊಡುತ್ತಿರುವ ‘ಬಿಗ್ ಬಾಸ್ 17’ರ ಶೋ ಕೂಡ ಸಾಕಷ್ಟು ಚರ್ಚೆಗೆ ಗ್ರಾಸವಾಗುತ್ತಿದೆ.
ಹೌದು, ಬಿಗ್ ಬಾಸ್ ಮನೆಯೊಳಗೆ ಲಿಪ್ ಲಾಕ್ ಮಾಡಿಕೊಂಡಿರುವ ದೃಶ್ಯ ಇದೀಗ ಭಾರಿ ಚರ್ಚೆಗೆ ಗ್ರಾಸವಾಗಿದೆ.ಕೆಲವರು ಇದಕ್ಕೆ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.ಇತ್ತೀಚೆಗೆಯಷ್ಟೇ ಬೆಡ್ ರೂಂನಲ್ಲಿ ಸ್ಪರ್ಧಿಯೊಬ್ಬ ತನ್ನ ಸಹಸ್ಪರ್ಧಿಯ ಸೀರೆಯನ್ನು ಸರಿಸಿ ಹೊಟ್ಟೆಗೆ ಮುತ್ತಿಟ್ಟಿದ್ದ. ಇದಾದ ಕೆಲ ದಿನಗಳ ಬಳಿಕ ಮತ್ತೆ, ಒಂದೇ ಬೆಡ್ ಶೀಟ್ ಒಳಗೆ ಮಲಗಿಕೊಂಡು ರೊಮ್ಯಾನ್ಸ್ ಮಾಡುತ್ತಿರುವಂತೆ ಕಂಡುಬಂದಿತ್ತು.ಒಟ್ಟಾರೆಯಾಗಿ ಫ್ಯಾಮಿಲಿ ಶೋ ಆಗಿರಬೇಕಿದ್ದ ಬಿಗ್ ಬಾಸ್ ಇದೀಗ ರೊಮ್ಯಾಂಟಿಕ್ ತಾಣವಾಗುತ್ತಿದೆ ಎಂದು ಕೆಲವರು ಕಿಡಿಕಾರಿದ್ದರು.ಈ ಬೆನ್ನಲ್ಲೇ ಮತ್ತೊಂದು ವಿಡಿಯೋ ವೈರಲ್ ಆಗಿದ್ದು, ಇದರಲ್ಲಿ ಅಂಕಿತಾ ಲೋಖಂಡೆ ಮತ್ತು ವಿಕ್ಕಿ ಜೈನ್ ಲಿಪ್ ಲಾಕ್ ಮಾಡಿರುವ ದೃಶ್ಯವಿದೆ.
ತೇಜಸ್ ಚಿತ್ರದ ಪ್ರಚಾರಕ್ಕಾಗಿ ಬಿಗ್ ಬಾಸ್ 17 ರ ವೀಕೆಂಡ್ ಕಾರ್ಯಕ್ರಮಕ್ಕೆ ನಟಿ ಕಂಗನಾ ರಣೌತ್ ಬಂದಿದ್ದರು. ಈ ವೇಳೆ ಕಂಗನಾ ಎಲ್ಲಾ ಸ್ಪರ್ಧಿಗಳಿಗೂ ಫನ್ ಟಾಸ್ಕ್’ಗಳನ್ನು ಮಾಡಿಸಿದ್ದರು.ಕಂಗನಾ ಅಲ್ಲಿದ್ದ ಜೋಡಿಗೆ ಡ್ಯಾನ್ಸ್ ಮಾಡುವ ಟಾಸ್ಕ್ ಕೊಟ್ಟಿದ್ದರು. ಅವರ ಆದೇಶದಂತೆ ಸಖತ್ ಡ್ಯಾನ್ಸ್ ಮಾಡಿದ ಅಂಕಿತಾ ಮತ್ತು ವಿಕ್ಕಿ, ಪರಸ್ಪರ ಡಾನ್ಸ್‌ನಲ್ಲಿ ಕಳೆದುಹೋದರು. ಅಷ್ಟೇ ಅಲ್ಲದೆ, ನೃತ್ಯದ ಕೊನೆಯಲ್ಲಿ, ಒಬ್ಬರಿಗೊಬ್ಬರು ಲಿಪ್ ಲಾಕ್ ಮಾಡಿದ್ದಾರೆ.
ಬಿಗ್ ಬಾಸ್ ಎಂಬುದು ಫ್ಯಾಮಿಲಿ ಶೋ. ಆದರೆ ಹಿಂದಿ ಅವತರಣಿಕೆಯಲ್ಲಿ ಫ್ಯಾಮಿಲಿ ಶೋ ಎಂಬುದನ್ನು ಮರೆತು ಕಳಪೆ ಪ್ರದರ್ಶನ ನೀಡಲಾಗುತ್ತಿದೆ.ಈ ಬಗ್ಗೆ ನೆಟ್ಟಿಗರು ಸೋಶಿಯಲ್ ಮೀಡಿಯಾದಲ್ಲಿ ಅಸಮಾಧಾನ ಹೊರಹಾಕಿದ್ದಾರೆ.ಅಂದಹಾಗೆ ಕಂಗನಾ ಮತ್ತು ಅಂಕಿತಾ ನಡುವೆ ಉತ್ತಮ ಸ್ನೇಹವಿದೆ. ಕಂಗನಾ ಅಭಿನಯದ ಮಣಿಕರ್ಣಿಕಾ ಚಿತ್ರದ ಮೂಲಕ ಅಂಕಿತಾ ಬಾಲಿವುಡ್ ಪ್ರವೇಶಿಸಿದ್ದರು.
