ನ್ಯೂಸ್ ನಾಟೌಟ್‌: ಬೆಂಗಳೂರಿನಿಂದ ಉಡುಪಿ ಕಡೆಗೆ ತರಕಾರಿ ಸಾಗಿಸುತ್ತಿದ್ದ ಈಚರ್ ಲಾರಿಯೊಂದು ಭಾನುವಾರ ಬೆಳಗ್ಗಿನ ಜಾವ 1-30ರ ಸುಮಾರಿಗೆ ಮಂಗಳೂರು ಹೊರ ವಲಯದ ಸುರತ್ಕಲ್ ಎನ್‌.ಐ.ಟಿ.ಕೆ. ಸಮೀಪದ ಹಳೇಯ ಟೋಲ್ ಗೇಟ್‌ನ ವಿಭಜಕಕ್ಕೆ ಡಿಕ್ಕಿಯಾಗಿದೆ.
ಕೆಎ-36-ಬಿ-5628 ನೋಂದಾಯಿತ ಈಚರ್ ಲಾರಿಯನ್ನು ಚಾಲಕ ಹರ್ಷ ಎಂಬವರು ಚಲಾಯಿಸುತ್ತಿದ್ದು, ಸುರತ್ಕಲ್ ಎನ್‌.ಐ.ಟಿ.ಕೆ. ಸಮೀಪದ ಹಳೇಯ ಟೋಲ್‌ಗೆ ಲಾರಿ ಡಿಕ್ಕಿಯಾಗಿದೆ. ಡಿಕ್ಕಿಯ ರಭಸಕ್ಕೆ ಲಾರಿ ವಿಭಜಕದ ಮೇಲೇರಿ ಪಲ್ಟಿಯಾಗಿ ಬಿದ್ದಿದೆ. ಚಾಲಕ ಸಣ್ಣ ಪುಟ್ಟ ಗಾಯಗೊಂಡಿದ್ದು ಅಪಾಯದಿಂದ ಪಾರಾಗಿದ್ದಾನೆ. ಟೋಲ್ ಗೇಟ್ ನ ಒಂದು ಟೋಲ್ ಬೂತ್ ಹಾಗೂ ಕಬ್ಬಿಣದ ಪಿಲ್ಲರ್ ಸಂಪೂರ್ಣ ಜಖಂಗೊಂಡಿರುವುದಾಗಿದೆ. ಚಾಲಕನ ಅತೀ ವೇಗ ಹಾಗೂ ನಿರ್ಲಕ್ಷ್ಯದಿಂದ ಅಪಘಾತವಾಗಿದ್ದು, ಈ ಬಗ್ಗೆ ಸುರತ್ಕಲ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
