ನ್ಯೂಸ್ ನಾಟೌಟ್ : ಕಾಡಾನೆಗಳು ಎಷ್ಟು ಡೇಂಜರಸ್ ಅನ್ನೋದು ಎಲ್ಲರಿಗೂ ಗೊತ್ತು..ಕಾಡಾನೆ ತೋಟದೊಳಕ್ಕೆ ನುಗ್ಗಿತು ಅಂತ ಹೇಳಿ ಅದನ್ನ ಓಡಿಸಲು ಪ್ರಯತ್ನ ಪಟ್ರೆ ಅಪಾಯ ಮಾತ್ರ ಕಟ್ಟಿಟ್ಟ ಬುತ್ತಿ.ಆದರೆ ಇಲ್ಲೊಂದೆಡೆ ಯುವಕರ ಗುಂಪೊಂದು ಕಾಡಾನೆ ಜತೆ ಹುಚ್ಚಾಟ ಮೆರೆದ ವಿಡಿಯೋವೊಂದು ವೈರಲ್ ಆಗಿದೆ. ಕೈಯ್ಯಲ್ಲಿ ಚಪ್ಪಲಿ ಹಿಡಿದು ಓಡಿಸುವ ಯತ್ನವನ್ನು ಯುವಕರ ತಂಡ ಮಾಡಿದ್ದು ಈ ಬಗ್ಗೆ ನೆಟ್ಟಿಗರು ಗರಂ ಆಗಿದ್ದಾರೆ.
ವಿಡಿಯೋವನ್ನು ಗಮನಿಸಿದಾಗ ಆನೆಯು ಮದ ಬಂದಂತೆ ವರ್ತಿಸುತ್ತಿತ್ತು.ಹೀಗಾಗಿ ಯುವಕರ ಮೇಲೆ ಎರಗಲು ಮುಂದಾಗುತ್ತದೆ. ಆದರೆ ಅಷ್ಟರಲ್ಲಿ ಯುವಕರು ಅಲ್ಲೇ ಇರುವ ಕಂದಕಕ್ಕೆ ಹಾರುತ್ತಾರೆ, ಆದರೆ ಆನೆ ಕಂದಕದ ಬದಿಗೆ ಬಂದು ಗರ್ಜಿಸಿ ಹಿಂತಿರುಗುತ್ತದೆ. ಇಷ್ಟಾದರು ಯುವಕರಿಗೆ ಬುದ್ದಿ ಬರಲೇ ಇಲ್ಲ. ಒಂದು ವೇಳೆ ಸಿಟ್ಟಿಗೆದ್ದ ಆನೆ ಕಂದಕಕ್ಕೆ ಇಳಿದಿದ್ದರೆ ಯುವಕರ ಗ್ರಹಚಾರ ಬಿಡ್ತಿತ್ತು.ಈ ವಿಡಿಯೋ ಕಂಡಾಗ ಮೈಯೆಲ್ಲ ಜುಂ ಎನ್ನುವಂತಿದೆ.
ಸದ್ಯ ಅರಣ್ಯ ಅಧಿಕಾರಿಯೊಬ್ಬರು ಟ್ವಿಟರ್ ‘X’ ನಲ್ಲಿ ವಿಡಿಯೋ ಹಂಚಿಕೊಂಡಿದ್ದು ಇಲ್ಲಿ ನಿಜವಾಗಿಯೂ ಪ್ರಾಣಿ ಯಾರು ಎಂಬ ಶೀರ್ಷಿಕೆಯಡಿ ವಿಡಿಯೋ ಹಂಚಿಕೊಂಡಿದ್ದಾರೆ. ಯುವಕರ ಹುಚ್ಚಾಟ ನಿಜಕ್ಕೂ ಅಪಾಯದ ಮಟ್ಟಕ್ಕೆ ಹೋಗಿತ್ತು ಎಂಬುದು ಈ ವಿಡಿಯೋದಲ್ಲಿ ಗೊತ್ತಾಗುತ್ತದೆ.ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದ್ದು ಕೆಲವರು ಆನೆಯೊಂದಿಗೆ ಯುವಕರು ನಡೆಸಿದ ಹುಚ್ಚಾಟಕ್ಕೆ ಕೆಂಡಾಮಂಡಲರಾಗಿದ್ದಾರೆ.ಸದ್ಯ ನೀವು ಬಚಾವ್ ಆಗಿದ್ದೀರಿ.. ಸ್ವಲ್ಪ ಯಾಮಾರಿದ್ರೂ ನಿಮ್ಗೆ ಭಾರಿ ತೊಂದರೆಯಿತ್ತು ಎನ್ನುವುದನ್ನು ತಿಳಿಸಿದ್ದಾರೆ.
ಅಲ್ಲದೇ ಅವರನ್ನು ಬಂಧಿಸಿ ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು ಯುವಕರು ಮಾಡಿದ ಕೆಲಸದ ಹಿಂದೆ ಅವರು ಬೆಳೆದ ಬೆಳಗಳನ್ನು ರಕ್ಷಣೆ ಮಾಡುವ ಉದ್ದೇಶವೂ ಇರಬಹುದು ಎಂದು ಬರೆದುಕೊಂಡಿದ್ದಾರೆ.
