ನ್ಯೂಸ್ ನಾಟೌಟ್‌: ಮಂಗಳೂರಿನ ಕಂಕನಾಡಿ ಖಾಸಗಿ ಹೋಟೆಲ್ ಲಾಡ್ಜ್ ಒಂದರಲ್ಲಿ ಬೆಂಕಿ ತಗುಲಿ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಕಳೆದ ರಾತ್ರಿ (ನ.22 ) ರಂದು ಸಂಭವಿಸಿದೆ.
ಮೃತರನ್ನು ಬಿಕರ್ನಕಟ್ಟೆ ಫ್ಲಾಟ್ ನಲ್ಲಿ ವಾಸವಿದ್ದ ನಿವಾಸಿ ಯಶ್ರಾಜ್ ಎಸ್.ಸುವರ್ಣ(43) ಎಂದು ಗುರುತಿಸಲಾಗಿದೆ. ಮಂಗಳೂರಿನ ಕಂಕನಾಡಿ ಖಾಸಗಿ ಹೋಟೆಲ್ ನ ಎರಡನೇ ಮಹಡಿಯ ರೂಂ ನಲ್ಲಿ ಘಟನೆ ಸಂಭವಿಸಿದ್ದು, ರಾತ್ರಿ ವೇಳೆ ಬೆಂಕಿ ಹತ್ತಿ ಸಾವನಪ್ಪಿರಬಹುದು ಎಂದು ತಿಳಿದುಬಂದಿದೆ. ಘಟನೆ ಆತ್ಮಹತ್ಯೆಯೋ..? ಅಥವಾ ಶಾರ್ಟ್‌ ಸರ್ಕ್ಯೂಟ್ ನಿಂದ ಸಂಭವಿಸಿದೆಯೆ ಎಂದು ತನಿಖೆಯಿಂದ ಇನ್ನಷ್ಟೇ ತಿಳಿದುಬರಬೇಕಾಗಿದೆ. ಘಟನಾ ಸ್ಥಳಕ್ಕೆ ಮಂಗಳೂರು ಕದ್ರಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.
