ನ್ಯೂಸ್ ನಾಟೌಟ್ : ‘ಒಂದು ಮೊಟ್ಟೆಯ ಕಥೆ’ ಮೂವಿಯಿಂದ ಫುಲ್ ಫಾಫ್ಯುಲರ್ ಆದ ಸ್ಯಾಂಡಲ್ವುಡ್ ನಟ ರಾಜ್ ಬಿ. ಶೆಟ್ಟಿ ಸದ್ಯ ‘ಸ್ವಾತಿ ಮುತ್ತಿನ ಮಳೆ ಹನಿಯೇ’ ಸಿನಿಮಾ ಮಾಡುತ್ತಿರೋದು ಎಲ್ಲರಿಗೂ ಗೊತ್ತಿರೋ ವಿಚಾರ.ಆದರೀಗ ಶೆಟ್ರಿಗೆ ಪರ ಭಾ‍ಷೆಯಿಂದಲೂ ಡಿಮ್ಯಾಂಡ್ ಬಂದಿದೆ.ಹೌದು, ಮಲಯಾಳಂ ಸಿನಿಮಾ ರಂಗ ಇವರನ್ನು ಕೈ ಬೀಸಿ ಕರೆದಿದೆ. ಮಾತ್ರವಲ್ಲದೆ ಮಾಲಿವುಡ್ ಸೂಪರ್ ಸ್ಟಾರ್ ಮಮ್ಮುಟಿ ಸಿನಿಮಾದಲ್ಲಿ ನಟಿಸಲು ಅವಕಾಶ ತೆರೆದಿಟ್ಟಿದೆ.
ಮಲಯಾಳಂನ ಖ್ಯಾತ ನಟ ಮಮ್ಮುಟ್ಟಿ ‘ಟರ್ಬೊ’ ಚಿತ್ರದಲ್ಲಿ ನಟಿಸುತ್ತಿದ್ದು, ಈ ಸಿನಿಮಾದಲ್ಲಿ ಸ್ಯಾಂಡಲ್ವುಡ್ ನಟ ರಾಜ್ ಬಿ ಶೆಟ್ಟಿ ಕೂಡ ನಟಿಸ್ತಿದ್ದಾರೆ. ವೈಶಾಖ್ ಈ ಚಿತ್ರ ನಿರ್ದೇಶನ ಮಾಡ್ತಿದ್ದು, ಮಲಯಾಳಂ ಮಾತ್ರವಲ್ಲದೆ ಪ್ಯಾನ್ ಇಂಡಿಯಾ ಭಾಷೆಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಲಿದೆ. ಸದ್ಯ ಮಮ್ಮುಟಿ ಫಿಲಂಸ್ ಅಧಿಕೃತವಾಗಿ ರಾಜ್ ಬಿ ಶೆಟ್ಟಿಯನ್ನ ಬರಮಾಡಿಕೊಂಡಿದ್ದು, ಶೀಘ್ರದಲ್ಲೇ ಚಿತ್ರತಂಡ ಸೇರಲಿದ್ದಾರಂತೆ.ರಾಜ್ ಬಿ ಶೆಟ್ಟಿ ಸ್ಯಾಂಡಲ್ವುಡ್ನತ್ತ ಕಾಲಿಟ್ಟು ಹೆಚ್ಚು ಕಡಿಮೆ 7 ವರ್ಷಗಳಾಗಿದ್ದು ಇದುವರೆಗೆ 11 ಸಿನಿಮಾಗಳನ್ನು ಮಾಡಿದ್ದಾರೆ.ಹಾಸ್ಯ ನಟರೂ ಆಗಿರುವ ಇವರ ಅಭಿನಯವನ್ನು ಕರ್ನಾಟಕ ಮಾತ್ರವಲ್ಲ ಮಲಯಾಳಂ ಚಿತ್ರರಂಗ ಕೂಡ ಮೆಚ್ಚಿಕೊಂಡಿದೆ. ತಮ್ಮಲ್ಲಿಯೂ ಬಂದು ನಟಿಸಿ ಎಂಬ ಬೇಡಿಕೆಯನ್ನು ಇಡುತ್ತಿದ್ದಾರಂತೆ .ಈ ಸಿನಿಮಾದ ಬಗ್ಗೆಯೂ ಅಭಿಮಾನಿಗಳಿಗೆ ಸಾಕಷ್ಟು ನಿರೀಕ್ಷೆಗಳಿವೆ.
