ಗಂಗೆಯಲ್ಲಿ ಮಿಂದು ಪಾವನಳಾದ ಸನ್ನಿ ಲಿಯೋನ್‌ಗೆ ನೆಟ್ಟಿಗರು ಹೀಗೆ ಹೇಳೋದಾ? ಅಷ್ಟಕ್ಕೂ ಏನು ಹೇಳಿದ್ರು ಗೊತ್ತಾ?

ನ್ಯೂಸ್ ನಾಟೌಟ್ : ಮಾದಕ ತಾರೆ ನಟಿ ಸನ್ನಿ ಲಿಯೋನ್‌ ಗಂಗೆಯಲ್ಲಿ ಮಿಂದು ಪಾವನಗೊಂಡಿದ್ದಾಳೆ. ಆದರೆ ಆಕೆಯ ಗಂಗಾಸ್ನಾನದಿಂದ ನದಿ ಮಲಿನಗೊಂಡಿದೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡ್ತಿದ್ದಾರೆ. ಸನ್ನಿ ಲಿಯೋನ್ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗುತ್ತಿದೆ.

ಬಾಲಿವುಡ್ ನಟಿ ಸನ್ನಿ ಲಿಯೋನ್ ಈಗ ತಮ್ಮ ಪತಿ ಹಾಗೂ ಮೂವರು ಮಕ್ಕಳೊಂದಿಗೆ ಹಳೆಯದೆಲ್ಲವನ್ನು ಮರೆತು ಅವರ ಜೀವನ ಶೈಲಿಯನ್ನೇ ಬದಲಿಸಿದ್ದಾರೆ. ಒಂದು ಅನಾಥ ಹೆಣ್ಣು ಮಗುವನ್ನು ದತ್ತು ಪಡೆದು ನಂತರ ಬಾಡಿಗೆ ತಾಯಿ ಮೂಲಕ ಇನ್ನೆರಡು ಅವಳಿ ಮಕ್ಕಳನ್ನು ಪಡೆದಿರುವ ಸನ್ನಿಗೆ ಅಭಿಮಾನಿಗಳ ದೊಡ್ಡ ಪಡೆಯೇ ಇದೆ. ಇತ್ತೀಚೆಗಷ್ಟೇ ಸನ್ನಿ ಅವರು ತಮ್ಮ ಮನೆ ಕೆಲಸದಾಕೆಯ ಪುತ್ರಿ ಕಾಣೆಯಾದಾಗ ಆಕೆಯನ್ನು ಹುಡುಕಿ ಕೊಟ್ಟವರಿಗೆ 50 ಸಾವಿರ ಪರಿಹಾರ ನೀಡುವುದಾಗಿ ಘೋಷಿಸಿದ್ದರು. ಅದೇ ರೀತಿ ಇದಕ್ಕೂ ಮೊದಲು ಕೇರಳದಲ್ಲಿ ಪ್ರವಾಹ ಕಾಣಿಸಿಕೊಂಡಾಗಲೂ ಕೋಟ್ಯಂತರ ರೂ. ದಾನ ಮಾಡಿದ್ದರು.ಅಂತಹ ಸನ್ನಿ ಈಗ ಗಂಗಾಯಾತ್ರೆ ಕೈಗೊಂಡಿದ್ದು ವಿಡಿಯೋ ಭಾರಿ ಸುದ್ದಿಯಲ್ಲಿದೆ. ಗಂಗೆಯ ಬಗ್ಗೆ ಭಾರೀ ಪವಿತ್ರ ಭಾವನೆ ಇದೆ. ಜೀವನದಲ್ಲಿ ಒಮ್ಮೆಯಾದರೂ ಗಂಗಾಯಾತ್ರೆ ಮಾಡಿ ಗಂಗೆಯಲ್ಲಿ ಸ್ನಾನ ಮಾಡಿ ಮಾಡಿದ ಪಾಪಗಳನ್ನೆಲ್ಲಾ ಪರಿಹಾರ ಮಾಡಬೇಕು ಎಂಬುದು ಬಹುತೇಕ ಹಿಂದೂ ಸನಾತನ ಧರ್ಮದ ಜನರ ನಂಬಿಕೆ. ಬಾಲಿವುಡ್ ನಟಿ ಸನ್ನಿ ಲಿಯೋನ್ ಗಂಗೆಗೆ ಭೇಟಿ ನೀಡಿದ್ದು, ಅಲ್ಲಿ ಗಂಗಾರತಿ ಮಾಡಿದರು. ಆದರೆ ವಿಡಿಯೋ ನೋಡಿದ ಜನ ಮಾತ್ರ ಕೆಲವರು ಸನ್ನಿ ಬೆಂಬಲಿಸಿ ಕಾಮೆಂಟ್ ಮಾಡಿದ್ದರೆ, ಮತ್ತೆ ಕೆಲವರು ಗಂಗೆ ಮಲಿನಗೊಂಡಳು ಎಂದು ಕಾಮೆಂಟ್ ಮಾಡಿದ್ದಾರೆ. ಎಲ್ಲರ ಪಾಪಗಳ ತೊಳೆದು ತೊಳೆದು ಗಂಗೆ ಮಲಿನಗೊಂಡಳು ಎಂದು ಕಾಮೆಂಟ್ ಮಾಡಿದ್ದಾರೆ.ವೀಡಿಯೋದಲ್ಲಿ ಸನ್ನಿ ಅಭಿಷೇಕ್ ಸಿಂಗ್ ಅವರ ಜೊತೆ ಪಿಂಕ್ ಬಣ್ಣದ ಸಲ್ವಾರ್ ಸೂಟ್ ಧರಿಸಿ ತಲೆಗೆ ಶಾಲು ಹೊದ್ದು ಗಂಗಾರತಿ ಮಾಡಿದ್ದಾರೆ. ಅಲ್ಲದೇ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲೂ ಈ ವೀಡಿಯೋವನ್ನು ಹಂಚಿಕೊಂಡಿದ್ದಾರೆ.

https://www.instagram.com/reel/Czv_k0bLspl/?utm_source=ig_embed&utm_campaign=loading