ನ್ಯೂಸ್ ನಾಟೌಟ್ :ಹಾಡಹಗಲೇ ಬಾಗಿಲ ಬೀಗ ಮುರಿದು ಮನೆಯೊಳಗೆ ನುಗ್ಗಿ ನಗದು ಹಾಗೂ ಚಿನ್ನ ಕಳ್ಳತನ ಮಾಡಿರುವ ಘಟನೆ ಸುಳ್ಯ ತಾಲೂಕಿನ ಕಲ್ಲುಗುಂಡಿಯಿಂದ ವರದಿಯಾಗಿದೆ.ಮನೆ ಮಂದಿ ಆಸ್ಪತ್ರೆಗೆ ತೆರಳಿದ್ದ ವೇಳೆ ಯಾರೂ ಇಲ್ಲದ ಸಮಯ ನೋಡಿ ಕಳ್ಳರು ತಮ್ಮ ಕೈ ಚಳಕ ಪ್ರದರ್ಶಿದ್ದಾರೆ.
ಘಟನೆ ನ.15ರಂದು ಸಂಭವಿಸಿದೆ.ಕಲ್ಲುಗುಂಡಿ ಕೂಲಿಶೆಡ್ ನಲ್ಲಿರುವ ಬಿ.ಎಸ್. ಹನೀಫ್ ಅವರ ಮನೆಯಿಂದ ಕಳ್ಳತನವಾಗಿದೆ ಎಂದು ತಿಳಿದು ಬಂದಿದೆ.ಇವರ ಕುಟುಂಬ ಬೆಳಗ್ಗಿನ ವೇಳೆ ಮನೆಗೆ ಬೀಗ ಹಾಕಿ ಆಸ್ಪತ್ರೆಗೆಂದು ತೆರಳಿದ್ದರು. ಆದರೆ ಸಂಜೆ ಮನೆಗೆ ಮರಳಿದಾಗ ಈ ಘಟನೆ ಬೆಳಕಿಗೆ ಬಂದಿದೆ.ಆದರೆ ಮನೆಯೊಳಗೆ ಯಾವುದೇ ವಸ್ತುಗಳು ಚೆಲ್ಲಾಪಿಲ್ಲಿಯಾಗಿ ಬಿದ್ದಿರಲಿಲ್ಲ.ಮಕ್ಕಳು ಮನೆಗೆ ಬಂದು ಶೇಕರಿಸಿಟ್ಟಿದ್ದ ಹಣದ ಹುಂಡಿಯನ್ನು ಹುಡುಕಾಡಿದಾಗ ಪತ್ತೆಯಾಗದೇ ಇದ್ದ ಸಂದರ್ಭದಲ್ಲಿ ಅನುಮಾನಗೊಂಡ ಮನೆಯವರು ಮನೆಯ ಕಪಾಟು ಪರಿಶೀಲಿಸಿದ್ದಾರೆ. ಆಗ ಚಿನ್ನದ ಸರ,ಉಂಗುರ ಸೇರಿದಂತೆ ಬೆಳ್ಳಿ ಹಾಗೂ ಹನ್ನೊಂದು ಸಾವಿರ ನಗದು ಕಳವಾಗಿರುವುದು ಬೆಳಕಿಗೆ ಬಂದಿದೆ.ಸ್ಥಳಕ್ಕೆ ಕಲ್ಲುಗುಂಡಿ ಪೋಲಿಸರು ತೆರಳಿ ಪರಿಶೀಲನೆ ನಡೆಸಿದ್ದಾರೆ.ಈ ಬಗ್ಗೆ ಕಲ್ಲುಗುಂಡಿ ಪೊಲೀಸ್ ಹೊರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
