ನ್ಯೂಸ್ ನಾಟೌಟ್ : ಅನಾಗರಿಕರಿಗೆ ಬುದ್ಧಿ ಹೇಳಬೇಕಾದವರು ಪೊಲೀಸ್ ಆಫೀಸರೇ ಅನುಚಿತ ವರ್ತೆನೆ ತೋರಿದ್ರೆ ಹೇಗೆ ಹೇಳಿ? ಈಗ ಅಂಥದ್ದೇ ಒಂದು ಘಟನೆ ವರದಿಯಾಗಿದೆ.ಕೋಲಾರದ ಪೊಲೀಸಪ್ಪ ಮಾಡಿರೋ ಈ ಕೆಲಸಕ್ಕೆ ಪ್ರಾಮಾಣಿಕ ಪೊಲೀಸರೂ ತಲೆತಗ್ಗಿಸುವಂತಾಗಿದೆ.
ಹೌದು,ಸಂಪೂರ್ಣ ಪಾನಮತ್ತನಾಗಿದ್ದ ಎಎಸ್ಐ, ಬಾರ್ ಸಿಬ್ಬಂದಿ ಮೇಲೆ ಹಲ್ಲೆಗೆ ಯತ್ನಿಸಿದ್ದಾರೆ. ಕೋಲಾರದ ಸಾಮ್ರಾಟ್ ಅಶೋಕ ಬಾರ್ ಮುಂದೆ ಕುಡಿದ ಮತ್ತಲ್ಲಿ ಭಾರೀ ರಂಪಾಟ ನಡೆಸಿದ್ದಾರೆ. ಕೋಲಾರ ಗ್ರಾಮಾಂತರ ಪೊಲೀಸ್ ಠಾಣೆಯ ಎಎಸ್ಐ ನಾರಾಯಣಸ್ವಾಮಿ ಎಂಬವರು ಬಾರ್ ಸಿಬ್ಬಂದಿ ಜತೆ ಫೈಟ್ ಮಾಡಿದವರು.ಇವರಿಗೆ ಬಾರ್ ಸಿಬ್ಬಂದಿ ನಮಸ್ಕಾರ ಮಾಡಿಲ್ಲ ಅನ್ನೋ ಒಂದು ಕ್ಷುಲ್ಲಕ ಕಾರಣಕ್ಕೆ ಜಗಳ ತೆಗೆದ ASI ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ. ಒಂದೇ ಏಟಿಗೆ ಮುಗಿಸ್ತೀನಿ ಮಗನೇ ಎಂದು ಕಲ್ಲಿನಿಂದ ಹಲ್ಲೆ ನಡೆಸಲು ಮುಂದಾದ ವಿಡಿಯೋ ಸದ್ಯ ಭಾರೀ ವೈರಲ್ ಆಗಿದೆ.
