ನ್ಯೂಸ್ ನಾಟೌಟ್: ಇತ್ತೀಚೆಗೆ ಹಲವು ಸ್ವಾರಸ್ಯಕರ ಪ್ರೇಮ ಪ್ರಸಂಗಗಳು ಬೆಳಕಿಗೆ ಬರುತ್ತಿವೆ, ಅಂತಹದ್ದೇ ಒಂದು ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. ಪ್ರೇಮಿಯೊಬ್ಬ ರಹಸ್ಯವಾಗಿ ಪ್ರಿಯತಮೆಯ ಮನೆಗೆ ಭೇಟಿ ನೀಡಲು ಹೋದ ಸಂದರ್ಭದಲ್ಲಿ ಮನೆಯವರ ಕೈಗೆ ಸಿಕ್ಕಿಬಿದ್ದಿರುವ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ರಾಜಸ್ಥಾನದಲ್ಲಿ ನಡೆದಿದೆ ಎಂದು ವರದಿ ತಿಳಿಸಿದ್ದು, ಈ ಘಟನೆಯ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಯುವಕನೊಬ್ಬ ರಾತ್ರಿಯ ವೇಳೆ ಯುವತಿಯ ಮನೆಗೆ ಭೇಟಿಗೆಂದು ಬಂದಿದ್ದಾನೆ. ಮನೆಯವರಿಗೆ ಗೊತ್ತಾಗದಾಗೆ ರಹಸ್ಯವಾಗಿ ಯುವಕ ತನ್ನ ಪ್ರಿಯತಮೆಯೊಂದಿಗೆ ಮಾತನಾಡುತ್ತಿದ್ದ, ಆದರೆ ಇದೇ ವೇಳೆ ಯುವತಿಯ ಮನೆಯವರು ಕೋಣೆಯೊಳಗೆ ಬಂದಿದ್ದಾರೆ. ಈ ಇಕ್ಕಟ್ಟಿನ ಸ್ಥಿತಿಯಲ್ಲಿ ಯುವಕನಿಗೆ ಏನು ಮಾಡೋದೆಂದು ಗೊತ್ತಾಗದೆ, ಕೂಡಲೇ ಕೋಣೆಯಲ್ಲಿದ್ದ ಕೂಲರ್‌ ನೊಳಗೆ ಅವಿತು ಕುಳಿತಿದ್ದಾನೆ.
ಕೂಲರ್‌ ನ ಹಿಂದಿನ ಪಾರ್ಟ್‌ ನ್ನು ತೆಗೆದು ಅದರೊಳಗೆ ಅವಿತುಕೊಂಡು ಕೂತಿದ್ದವ ಸಿಕ್ಕಿ ಬಿದ್ದು ಈಗ ಎಲ್ಲೆಡೆ ಸುದ್ದಿಯಾಗಿದೆ.. ಇತ್ತ ಯುವತಿಯ ಮನೆಯವರು ಅತ್ತಿತ್ತ ಹುಡುಕಿ ಕೊನೆಗೆ ಕೂಲರ್‌ ನ್ನು ಸರಿದು ನೋಡಿದ ವೇಳೆ ಅದರೊಳಗೆ ಯುವಕ ಇರುವುದನ್ನು ನೋಡಿದ್ದಾರೆ.
ಈ ಘಟನೆ ಮೊಬೈಲ್‌ ನಲ್ಲಿ ಸೆರೆಯಾಗಿದ್ದು, ವೀಕ್ಷಕರು ನಾನಾ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ.
