ನ್ಯೂಸ್ ನಾಟೌಟ್: ಇಸ್ರೇಲ್ ಮೇಲೆ ಪ್ಯಾಲೆಸ್ಟೈನ್ ಹಮಾಸ್ ಉಗ್ರರ ದಾಳಿ ತೀವ್ರವಾಗುತ್ತಿದೆ. ಈ ನಡುವೆ ಪ್ಯಾಲೆಸ್ಟೈನ್ ನ ಹಮಾಸ್ ಉಗ್ರರ ಮೇಲೆ ಇಸ್ರೇಲ್ ಯುದ್ದ ಸಾರಿದೆ. ಎಲ್ಲೆಲ್ಲೂ ಬಾಂಬ್ ಗಳ ಸದ್ದು ಮಾರ್ಧನಿಸುತ್ತಿದೆ. ಸದ್ಯ ಇಸ್ರೇಲ್ ನೊಳಗೆ ಸಾವಿರಾರು ಹಮಾಸ್ ಉಗ್ರರು ನುಗ್ಗಿದ್ದಾರೆ. ಕ್ಷಣಕ್ಷಣಕ್ಕೂ ಆತಂಕದ ಪರಿಸ್ಥಿತಿ ನಿರ್ಮಾಣವಾಗುತ್ತಿದೆ. ಇತ್ತ ಕಡೆ ಮಂಗಳೂರಿನ ಕುಟುಂಬವೊಂದು ಅಲ್ಲಿ ಸಿಲುಕಿಕೊಂಡಿದ್ದು ಮನೆಯವರಲ್ಲಿ ಆತಂಕದ ಪರಿಸ್ಥಿತಿ ನಿರ್ಮಾಣವಾಗಿದೆ.
ಪಶ್ಚಿಮ ಇಸ್ರೇಲ್ ಪ್ರದೇಶಗಳ ರಸ್ತೆಗಳಲ್ಲಿ ಭಾರೀ ಗನ್ ಬ್ಯಾಟಲ್ ನಡೆಯುತ್ತಿದೆ. ಸಾವಿರಾರು ಭಾರತೀಯರು ಈ ಸಂಕಷ್ಟದಲ್ಲಿ ಸಿಲುಕಿಕೊಂಡಿದ್ದಾರೆ. ಇದರಲ್ಲಿ ಉದ್ಯೋಗ ನಿಮಿತ್ತ ಇಸ್ರೇಲ್ ನಲ್ಲಿರುವ ಸಾವಿರಾರು ಕರಾವಳಿಯ ಜನರು ಕೂಡ ಇದ್ದಾರೆ. ಅದರಲ್ಲೂ ಮಂಗಳೂರು ಮತ್ತು ಉಡುಪಿಯ ಸಾಕಷ್ಟು ಮಂದಿ ಅಗ್ನಿ ಪರೀಕ್ಷೆಯನ್ನು ಎದುರಿಸುವಂತಾಗಿದೆ.
ಅಂತಹವರ ಪೈಕಿ ಕಳೆದ 16 ವರ್ಷಗಳಿಂದ ಇಸ್ರೇಲ್ ನ ಟಲ್ ಅವೀವ್ ನೆಲೆಸಿರುವ ಪ್ರವೀಣ್ ಪಿಂಟೋ ಕುಟುಂಬ ಕೂಡ ಒಂದು. ಸದ್ಯ ಪ್ರವೀಣ್ ಕುಟುಂಬಸ್ಥರು ದೂರವಾಣಿ ಮೂಲಕ ಪ್ರವಿಣ್ ಅವರ ಸುರಕ್ಷತೆ ಖಾತರಿ ಪಡೆಸಿಕೊಳ್ಳುತ್ತಿದ್ದಾರೆ. ಪ್ರವೀಣ್ ಅವರು ಮಂಗಳೂರು ಹೊರವಲಯದ ದಾಬಸ್ ಕಟ್ಟೆಯವರಾಗಿದ್ದಾರೆ. ಸದ್ಯ ಅವರು ಬಂಕರ್ ನಲ್ಲಿ ಅಡಗಿದ್ದು ಸುರಕ್ಷಿತ ವಾಗಿರುವ ಮಾಹಿತಿ ಲಭಿಸಿದೆ.ಮನೆಯಿಂದ ಹೊರ ಬರದಂತೆ ಭಾರತೀಯ ರಾಯಭಾರ ಕಚೇರಿ ಸೂಚನೆ ನೀಡಿದೆ.
