ನ್ಯೂಸ್ ನಾಟೌಟ್ : ನಟಿ ಅನುಷ್ಕಾ ಶರ್ಮಾ ಮತ್ತು ಕ್ರಿಕೆಟರ್‌ ವಿರಾಟ್ ಕೊಹ್ಲಿ ತಮ್ಮ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂಬ ಸುದ್ದಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು(Anushka Sharma Pregnancy Rumours). ಆದರೆ ಇದೀಗ ಖುದ್ದು ಅನುಷ್ಕಾ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ ಎಂಬ ಮತ್ತೊಂದು ಸುದ್ದಿ ಹರಿದಾಡುತ್ತಿದೆ.ಈ ಕುರಿತ ಟ್ವೀಟ್‌ ಒಂದು ಈಗ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಅನುಷ್ಕಾ ಶರ್ಮಾ ಮತ್ತು ವಿರಾಟ್ ದಂಪತಿಗೆ ಹೆಣ್ಣು ಮಗುವಿದ್ದು,ಇದೀಗ ಮತ್ತೊಂದು ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎನ್ನುವ ವಿಚಾರಕ್ಕೆ ಸಂಬಂಧಿಸಿ ಸಾಮಾಜಿಕ ಜಾಲತಾಣದಲ್ಲಿ ಕಳೆದೆರಡು ದಿನಗಳಿಂದ ಸುದ್ದಿಯೊಂದು ವೈರಲ್ ಆಗಿತ್ತು.
ಅಸಲಿಗೆ ಅನುಷ್ಕಾ ಹೆಸರಿನಲ್ಲಿರುವ ಖಾತೆಯಿಂದ ಈ ವಿಚಾರ ಬಹಿರಂಗವಾಗಿದೆ. “ವಿರಾಟ್ ಕೊಹ್ಲಿ ಹಾಗೂ ನನಗಿಂತ ಮೊದಲೇ ನಿಮಗೆ ಈ ವಿಷಯ ತಿಳಿದಿದೆ” ಎಂಬ ವ್ಯಂಗ್ಯದ ಟ್ವೀಟ್‌ ವೈರಲ್ ಆಗುತ್ತಿದೆ. ಇದನ್ನು ಅನುಷ್ಕಾ ಶರ್ಮಾ ಅವರ ಆಫಿಷಿಯಲ್‌ ಅಕೌಂಟ್‌ ಎಂದುಕೊಂಡು ಹಲವರು ಕಾಮೆಂಟ್‌ ಮಾಡಿದ್ದಾರೆ. ಆದರೆ ಇದು ಅನುಷ್ಕಾ ಶರ್ಮಾ ಹೆಸರಿನಲ್ಲಿ ತೆರೆದಿರುವ ಫೇಕ್‌ ಅಕೌಂಟ್‌ ಆಗಿದೆ ಎಂದು ತಿಳಿದು ಬಂದಿದೆ.
