ನ್ಯೂಸ್ ನಾಟೌಟ್ :ಸಾಮಾನ್ಯವಾಗಿ ಎಮ್ಮೆಗಳು ಹಸಿರು ಹುಲ್ಲು,ತರಕಾರಿ ಇನ್ನಿತರ ಆಹಾರಗಳನ್ನು ಸೇವಿಸೋದು ಸಹಜ. ಆದರೆ ಇಲ್ಲೊಂದು ಎಮ್ಮೆ ಬರೋಬ್ಬರಿ ಸರಿಸುಮಾರು 2.5 ಲಕ್ಷ ರೂಪಾಯಿ ಮೌಲ್ಯದ ಚಿನ್ನದ ಸರವನ್ನು ತಿಂದಿರುವ ವಿಚಿತ್ರ ಪ್ರಕರಣವೊಂದು ಬೆಳಕಿಗೆ ಬಂದಿದೆ.
ಮಹಿಳೆಯೊಬ್ಬರು ಎಮ್ಮೆಗೆ ಆಹಾರವಾಗಿ ಸೋಯಾಬೀನ್ ಸಿಪ್ಪೆಯನ್ನು ನೀಡುವಾಗ ಮಹಿಳೆಯ ಕುತ್ತಿಗೆಯಲ್ಲಿದ್ದ ಸರವು ಆಕಸ್ಮಿಕವಾಗಿ ಕಳಚಿ ಬಿದ್ದಿತ್ತು.ಆಗ ಎಮ್ಮೆಯು ತನಗೆ ನೀಡಿದ ಆಹಾರ ಜತೆಗೆ ಬೆಲೆ ಬಾಳುವ ಚಿನ್ನದ ಸರವನ್ನು ನೀಡಿದ್ದಾಳೆ ಎಂದು ಸರವನ್ನು ನುಂಗಿ ಬಿಟ್ಟಿದೆ.
ನಾಗ್ಪುರದ ಮಾವಾಶಿಮ್ ಜಿಲ್ಲೆ ಸರ್ಸಿ ಗ್ರಾಮದಲ್ಲಿ ಈ ಘಟನೆ ವರದಿಯಾಗಿದೆ.ಮಧ್ಯಾಹ್ನದ ವೇಳೆಗೆ ತನ್ನ ಚಿನ್ನದ ಸರ ನಾಪತ್ತೆಯಾಗಿದೆ ಎಂದು ಮಹಿಳೆ ಪತಿಗೆ ತಿಳಿಸಿದ್ದಾಳೆ.ಮೊದಲಿಗೆ ಮಹಿಳೆ ಸರ ಕಳವಾಗಿದೆ ಎಂದು ಭಾವಿಸಿದ್ದರು.ಸಾಕಷ್ಟು ಹುಡುಕಿದರೂ ಚೈನ್ ಪತ್ತೆಯಾಗಿರಲಿಲ್ಲ.
ತುಂಬಾ ಯೋಚನೆ ಮಾಡಿದ ಬಳಿಕ ಮಹಿಳೆಗೆ ತನ್ನ ಸರ ಎಮ್ಮೆಗೆ ನೀಡಿದ ತರಕಾರಿ ಸಿಪ್ಪೆಯಲ್ಲಿ ಬಿದ್ದಿರುವುದು ನೆನಪಾಯಿತು. ಸೋಯಾಬೀನ್ ಸಿಪ್ಪೆಯೊಂದಿಗೆ ಚಿನ್ನದ ಸರವನ್ನೂ ಎಮ್ಮೆ ತಿಂದು ಹಾಕಿದೆ ಎಂದು ಮಹಿಳೆ ತನ್ನ ಪತಿಗೆ ತಿಳಿಸಿದ್ದಾಳೆ. ಪತಿ ಭೋಯಾರ್ ಎಮ್ಮೆಯನ್ನು ಸ್ಥಳೀಯ ಪಶುವೈದ್ಯರ ಬಳಿಗೆ ಕರೆದೊಯ್ದರು.
ಗ್ರಾಮದ ಪಶುವೈದ್ಯ ಡಾ.ಜ್ಞಾನೇಶ್ವರ ಇಧೋಳೆ ಅವರು ಎಮ್ಮೆಯನ್ನು ವಾಶಿಮ್‌ಗೆ ಕೊಂಡೊಯ್ಯಲು ಎಮ್ಮೆ ಮಾಲೀಕ ಭೋಯರ್‌ಗೆ ಹೇಳಿದ್ದಾರೆ. ಅಲ್ಲಿ ಅನುಭವಿ ಪಶುವೈದ್ಯರಾದ ಡಾ.ಕೌಡಿನ್ಯಾ ಅವರು ಎಮ್ಮೆಯ ಹೊಟ್ಟೆಯನ್ನು ಪರೀಕ್ಷಿಸಿದರು.
ಡಾ.ಕೌಂಡಿನ್ಯ ಮತ್ತು ಅವರ ತಂಡವು ಆರಂಭದಲ್ಲಿ ಲೋಹ ಶೋಧಕವನ್ನು ಬಳಸಿ ಎಮ್ಮೆಯ ಹೊಟ್ಟೆಯೊಳಗೆ ಲೋಹ ಇರುವುದನ್ನು ದೃಢಪಡಿಸಿದರು. ನಂತರ, ಅವರು ಅದರ ನಿಖರವಾದ ಸ್ಥಳವನ್ನು ಖಚಿತಪಡಿಸಲು ಸೋನೋಗ್ರಫಿಯನ್ನು ಮಾಡಿದ್ದಾರೆ. ನಂತರ ಎಮ್ಮೆಗೆ ಹೊಟ್ಟೆ ಶಸ್ತ್ರಚಿಕಿತ್ಸೆ ಮಾಡಿದರು. ಸೆಪ್ಟೆಂಬರ್ 29 ರಂದು, ಅವರು ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು ಮತ್ತು ಚಿನ್ನದ ಸರವನ್ನು ಯಶಸ್ವಿಯಾಗಿ ಹಿಂಪಡೆದರು.
ವೈದ್ಯರು ಮಾತನಾಡಿ, ನಗರ ಪ್ರದೇಶಗಳಲ್ಲಿ ಪ್ಲಾಸ್ಟಿಕ್, ಲೋಹ, ನಾಣ್ಯ ಸೇರಿದಂತೆ ಹಲವು ಅಪಾಯಕಾರಿ ವಸ್ತುಗಳನ್ನು ತಿನ್ನುವ ದೇಸಿ ಹಸುಗಳಿಗೆ ಶಸ್ತ್ರ ಚಿಕಿತ್ಸೆ ನಡೆಸುವುದು ವಾಡಿಕೆ. ಆದರೆ, ನಾವು ₹2.5 ಲಕ್ಷ ಮೌಲ್ಯದ ಚಿನ್ನವನ್ನು ತಿಂದಿರುವ ಎಮ್ಮೆಯ ವಿಶಿಷ್ಟ ಪ್ರಕರಣ ಇದಾಗಿದೆ ಎಂದು ತಿಳಿಸಿದ್ದಾರೆ.
