ನ್ಯೂಸ್ ನಾಟೌಟ್ : ಕಾಲ ಬದಲಾಗಿದೆ.ಪ್ರಾಮಾಣಿಕರನ್ನು ಹುಡುಕುವುದೇ ಕಷ್ಟವಾಗಿದೆ.ಕಳೆದು ಹೋದ ವಸ್ತುಗಳು ಇನ್ನೊಬ್ಬರ ಕೈ ಪಾಲಾದಾಗ ಆ ವಸ್ತುಗಳು ನಮ್ಮ ಕೈ ಸೇರುತ್ತದೆ ಎನ್ನುವುದಕ್ಕೆ ಯಾವ ಗ್ಯಾರಂಟಿಯೂ ಇಲ್ಲ.ಆದರೆ ಈಗಿನ ಕಾಲದಲ್ಲೂ ಅಲ್ಲೋ ಇಲ್ಲೋ ಬೆರಳೆಣಿಕೆಯ ಸಂಖ್ಯೆಯಲ್ಲಿ ಕೆಲವರು ಮಾನವೀಯತೆ,ಪ್ರಾಮಾಣಿಕತೆಗೆ ಬೆಲೆ ಕೊಡುವವರು ಇದ್ದಾರೆ ಅನ್ನೋದಕ್ಕೆ ಇಲ್ಲೊಬ್ಬರು ವ್ಯಕ್ತಿ ಸೇರಿಕೊಳ್ಳುತ್ತಾರೆ.ಬಸ್ ನಲ್ಲಿ ಸಿಕ್ಕಿದ್ದ ಒಡವೆಗಳಿದ್ದ ಕಟ್ಟೊಂದನ್ನು ವಾರೀಸುದಾರರಿಗೆ ಹಿಂತಿರಿಗಿಸಿದ ಅಪರೂಪದ ಘಟನೆ ವರದಿಯಾಗಿದೆ.
ಕೆಲವು ದಿನಗಳ ಹಿಂದೆ ಸುಳ್ಯ ಡಿಪ್ಪೋಗೆ ಸೇರಿದ ಬಸ್ ನಲ್ಲಿ ಚಿನ್ನದ ಒಡವೆಗಳಿದ್ದ ಕಟ್ಟೊಂದು ಕಾಣಸಿಕ್ಕಿತ್ತು.ನಿರ್ವಾಹಕ ದೇವಪ್ಪ ಕಾಂಚೋಡುರವರಿಗೆ ಕೈ ಸೇರಿದಾಗ ಅದರ ವಾರೀಸುದಾರರನ್ನು ಪತ್ತೆ ಹಚ್ಚಿದ್ದಾರೆ.ಅದನ್ನು ಟ್ರಾಫಿಕ್ ಅಧಿಕಾರಿಯ ಮೂಲಕ ವಾರೀಸುದಾರರಿಗೆ ಪ್ರಾಮಾಣಿಕವಾಗಿ ಹಿಂತಿರುಗಿಸಿದ್ದು, ವಾರೀಸುದಾರರು ಕೃತಜ್ಞತೆ ಸಲ್ಲಿಸಿದ್ದಾರೆ.
