ನ್ಯೂಸ್ ನಾಟೌಟ್: ತುಳುನಾಡ ದೈವಾರಾಧನೆಯ ಕಥಾಹಂದರವನ್ನು ಹೊಂದಿ ಇಡೀ ಭಾರತ ಮಾತ್ರವಲ್ಲದೆ ವಿದೇಶಿಯರನ್ನೂ ತನ್ನ ಪ್ರಾದೇಶಿಕ ಕಥಾ ಸೊಗಡಿನಿಂದ ತನ್ನೆಡೆಗೆ ಸೆಳೆದು ಸುದ್ದಿಯಾದ ಕಾಂತಾರ ಸಿನಿಮಾದ ಬಗ್ಗೆ ಈಗ ದೊಡ್ಡದೊಂದು ಅಪ್ಡೇಟ್ ಬಂದಿದೆ.
ಕಳೆದ ವರ್ಷ 30 ಸೆಪ್ಟೆಂಬರ್ 2022 ರಂದು ಬಿಡುಗಡೆಯಾದ ‘ಕಾಂತಾರ’ ಸಿನಿಮಾದ ಪ್ರಿಕ್ವೆಲ್‌ ಕಾಂತಾರ 2 ಬಗ್ಗೆ ಜನರ ನಿರೀಕ್ಷೆಗಳು ಹೆಚ್ಚಿವೆ. ಈಗ ಚಿತ್ರದ ಎರಡನೇ ಭಾಗದ ಕೆಲಸ ಶುರುವಾಗಿದೆ.
ಮೊದಲ ಚಿತ್ರ 16 ಕೋಟಿ ಬಜೆಟ್‌ನಲ್ಲಿ ತಯಾರಾಗಿದ್ದರೆ, ಎರಡನೇ ಭಾಗದ ಬಜೆಟ್ ಅನ್ನು 7 ಪಟ್ಟು ಹೆಚ್ಚಿಸಲಾಗಿದೆ ಎಂದು ವರದಿ ತಿಳಿಸಿದೆ.
ರಿಷಬ್ ಶೆಟ್ಟಿ ಅಭಿನಯದ ‘ಕಾಂತಾರ’ ಚಿತ್ರಕ್ಕೆ ಮೌತ್ ಪಬ್ಲಿಸಿಟಿಯ ಗರಿಷ್ಠ ಲಾಭ ಸಿಕ್ಕಿದೆ. ಚಿತ್ರವು ಎಷ್ಟು ಖ್ಯಾತಿಯನ್ನು ಗಳಿಸಿತು ಎಂದರೆ ಅದು ನಂತರ ಇತರ ಭಾಷೆಗಳಿಗೆ ಡಬ್ ಆಗಿತ್ತು. ಚಿತ್ರವನ್ನು ರಿಷಬ್ ಅವರ ಹಳ್ಳಿಯಲ್ಲಿ ಚಿತ್ರಿಸಲಾಗಿದೆ ಮತ್ತು ಕೇವಲ 16 ಕೋಟಿ ಬಜೆಟ್‌ನಲ್ಲಿ ನಿರ್ಮಿಸಲಾಗಿದೆ. ಈ ಚಿತ್ರವನ್ನು ಸ್ವತಃ ರಿಷಬ್ ಬರೆದು ನಿರ್ದೇಶಿಸಿದ್ದಾರೆ.
ಇದೀಗ ರಿಷಬ್ ಶೆಟ್ಟಿ ‘ಕಾಂತಾರ 2’ ಚಿತ್ರದ ಎರಡನೇ ಭಾಗದಲ್ಲಿ ತೊಡಗಿಸಿಕೊಂಡಿದ್ದಾರೆ. ಚಿತ್ರದ ಕಥೆಯ ಕೆಲಸ ಮುಗಿದಿದೆ. ಈ ಚಿತ್ರವು ‘ಕಾಂತಾರ’ದ ಪ್ರಿಕ್ವೆಲ್‌ ಆಗಿದೆ. ಅಲ್ಲದೇ ಈ ಬಾರಿ ಕರಾವಳಿ ಭಾಗದ ಸಂಸ್ಕೃತಿಯನ್ನು ಚಿತ್ರದಲ್ಲಿ ಹೆಚ್ಚು ಆಪ್ತವಾಗಿ ತೋರಿಸಲಾಗುವುದು. ಈ ವರ್ಷದ ನವೆಂಬರ್‌ನಲ್ಲಿ ಚಿತ್ರದ ಶೂಟಿಂಗ್ ಆರಂಭವಾಗಲಿದೆ.
ಚಿತ್ರದ ಅಗಾಧ ಯಶಸ್ಸಿನಿಂದಾಗಿ, ಈಗ ಅದನ್ನು ದೊಡ್ಡ ಮಟ್ಟದಲ್ಲಿ ಮಾಡಲು ಯೋಜಿಸಲಾಗಿದೆ. ಇದೀಗ ಚಿತ್ರದ ಎರಡನೇ ಭಾಗದ ಮೇಲೆ ಪ್ರೇಕ್ಷಕರು ಭಾರೀ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಹೀಗಿರುವಾಗ ಈ ಬಾರಿ ಚಿತ್ರದ ಬಜೆಟ್ 7 ಪಟ್ಟು ಹೆಚ್ಚಾಗಿದೆಯಂತೆ. ಅದೇನೆಂದರೆ, ಈ ಬಾರಿ ರಿಷಬ್ ಶೆಟ್ಟಿ ಅವರ ಸಿನಿಮಾ 125 ಕೋಟಿ ರೂಪಾಯಿಯಲ್ಲಿ ತಯಾರಾಗಲಿದೆ ಎನ್ನಲಾಗಿದೆ.
