ನ್ಯೂಸ್ ನಾಟೌಟ್ : ಚಂದ್ರಯಾನ-3 ರ ಯಶಸ್ಸನ್ನು ಇಡೀ ವಿಶ್ವವೇ ಕೊಂಡಾಡಿದೆ.ಇಡೀ ಭಾರತ ದೇಶವೇ ಕಾತರದಿಂದ ಕಾಯುತ್ತಿದ್ದ ಕುತೂಹಲಗಳಿಗೆ ಉತ್ತರ ಸಿಕ್ಕಿದೆ.ಯಾವುದೇ ದೇಶವು ಚಂದ್ರನ ದಕ್ಷಿಣ ಧ್ರುವದಲ್ಲಿ ಯಶಸ್ವಿಯಾಗಿ ಲ್ಯಾಂಡಿಂಗ್ ಮಾಡಿರಲಿಲ್ಲ. ಆದರೆ ಭಾರತ ಅವೆದಲ್ಲಕ್ಕು ಮೀರಿ ಸಾಧನೆ ಮಾಡಿದೆ.ಇದೀಗ ಇಸ್ರೋ ಭಾನುವಾರ ಚಂದ್ರಯಾನ-3 ಮಿಷನ್‌ಗೆ ಸಂಬಂಧಿಸಿದ ದೊಡ್ಡ ಅಪ್‌ಡೇಟ್‌ ನೀಡಿದೆ.
ಚಂದ್ರನಂಗಳದಿಂದ ಅಪ್‌ಡೇಟ್ಸ್ ಸಿಗುತ್ತಿದ್ದು,ಭಾರಿ ಕುತೂಹಲಕಾರಿಯಾಗಿದೆ.ಹೌದು,ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಭಾನುವಾರ ಚಂದ್ರಯಾನ-3 ರ ವಿಕ್ರಮ್ ಲ್ಯಾಂಡರ್‌ಗೆ ಲಗತ್ತಿಸಲಾದ ‘ಚೆಸ್ಟ್’ ಉಪಕರಣದಿಂದ ಅಳೆಯಲಾದ ಚಂದ್ರನ ಮೇಲ್ಮೈಯಲ್ಲಿನ ತಾಪಮಾನ ವ್ಯತ್ಯಾಸದ ಗ್ರಾಫ್ ಅನ್ನು ಬಿಡುಗಡೆ ಮಾಡಿದೆ. ಬಾಹ್ಯಾಕಾಶ ಸಂಸ್ಥೆಯ ಪ್ರಕಾರ, ‘ಚಂದ್ರನ ಮೇಲ್ಮೈ ಥರ್ಮೋ ಫಿಸಿಕಲ್ ಎಕ್ಸ್‌ಪರಿಮೆಂಟ್’ (ಚೆಸ್ಟ್) ಚಂದ್ರನ ಮೇಲ್ಮೈಯ ಉಷ್ಣ ವರ್ತನೆಯನ್ನು ಅರ್ಥಮಾಡಿಕೊಳ್ಳಲು ದಕ್ಷಿಣ ಧ್ರುವದ ಸುತ್ತಲಿನ ಚಂದ್ರನ ‘ತಾಪಮಾನ ಪ್ರೊಫೈಲ್’ ಅನ್ನು ಅಳೆಯುತ್ತದೆ.
ಇಸ್ರೋ ಹಿಂದಿನ ಟ್ವಿಟರ್ ಪೋಸ್ಟ್‌ನಲ್ಲಿ, ವಿಕ್ರಮ್ ಲ್ಯಾಂಡರ್‌ನಲ್ಲಿ ಚೆಸ್ಟ್ ಪೇಲೋಡ್‌ನ ಮೊದಲ ಅವಲೋಕನಗಳು ಇಲ್ಲಿವೆ. ಚಂದ್ರನ ಮೇಲ್ಮೈಯ ಉಷ್ಣ ವರ್ತನೆಯನ್ನು ಅರ್ಥಮಾಡಿಕೊಳ್ಳಲು, ಧ್ರುವದ ಸುತ್ತಲಿನ ಚಂದ್ರನ ಮೇಲಿನ ಮಣ್ಣಿನ ತಾಪಮಾನದ ಪ್ರೊಫೈಲ್ ಅನ್ನು ಚೆಸ್ಟ್ ಅಳೆಯುತ್ತದೆ. ಪೇಲೋಡ್ ಮೇಲ್ಮೈಯಿಂದ 10 ಸೆಂ.ಮೀ ಆಳವನ್ನು ತಲುಪುವ ಸಾಮರ್ಥ್ಯವಿರುವ ತಾಪಮಾನವನ್ನು ಅಳೆಯುವ ಸಾಧನವನ್ನು ಹೊಂದಿದೆ ಎಂದು ಹೇಳಿತ್ತು.
ಇದೀಗ ಇಸ್ರೋ ಹಂಚಿಕೊಂಡ ಮಾಹಿತಿಯ ಪ್ರಕಾರ, ವಿಕ್ರಮ್ ಲ್ಯಾಂಡರ್‌ನಲ್ಲಿ ಅಳವಡಿಸಲಾದ ಚೆಸ್ಟ್ ಚಂದ್ರನ ಮೇಲ್ಮೈಯ ತಾಪಮಾನವನ್ನು ಅಳೆದಿದೆ. ಚಂದ್ರನ ಮೇಲ್ಮೈಯ ತಾಪಮಾನ 50 ಡಿಗ್ರಿ ಸೆಲ್ಸಿಯಸ್ ಆಗಿದೆ. ಆಳಕ್ಕೆ ಹೋದಾಗ ತಾಪಮಾನದಲ್ಲಿ ತ್ವರಿತ ಕುಸಿತ ದಾಖಲಾಗಿದೆ. 80 ಎಂಎಂ ಒಳಗೆ ಹೋದ ನಂತರ, ತಾಪಮಾನವು -10 ಡಿಗ್ರಿಗಳಿಗೆ ಇಳಿಯಿತು.
ಇದು 10 ತಾಪಮಾನ ಸಂವೇದಕಗಳನ್ನು ಹೊಂದಿದೆ ಎಂದು ಇಸ್ರೋ ಹೇಳಿದೆ. ಪ್ರಸ್ತುತಪಡಿಸಿದ ಗ್ರಾಫ್ ವಿವಿಧ ಆಳಗಳಲ್ಲಿ ಚಂದ್ರನ ಮೇಲ್ಮೈ/ಸಮೀಪದ ತಾಪಮಾನ ವ್ಯತ್ಯಾಸವನ್ನು ತೋರಿಸುತ್ತದೆ. ಚಂದ್ರನ ದಕ್ಷಿಣ ಧ್ರುವಕ್ಕೆ ಸಂಬಂಧಿಸಿದ ಮೊದಲ ದಾಖಲೆಗಳು ಇವು. ವಿವರವಾದ ಅವಲೋಕನಗಳು ಪ್ರಗತಿಯಲ್ಲಿವೆ. ಇಸ್ರೋದ ವಿಕ್ರಮ್ ಸಾರಾಭಾಯ್ ಬಾಹ್ಯಾಕಾಶ ಕೇಂದ್ರದ (VSSC) ಬಾಹ್ಯಾಕಾಶ ಭೌತಶಾಸ್ತ್ರ ಪ್ರಯೋಗಾಲಯ (SPL) ನೇತೃತ್ವದ ತಂಡವು ಅಹಮದಾಬಾದ್‌ನ ಭೌತಿಕ ಸಂಶೋಧನಾ ಪ್ರಯೋಗಾಲಯದ (PRL) ಸಹಯೋಗದೊಂದಿಗೆ ಪೇಲೋಡ್ ಅನ್ನು ಅಭಿವೃದ್ಧಿಪಡಿಸಿದೆ.
