ನಟಿ ತಮನ್ನಾ ಸ್ಟೆಪ್ಸ್ ಹಾಕಿದ ‘ಕಾವಾಲಯ್ಯ’ ಹಾಡಿಗೆ ಭರ್ಜರಿ ಡಾನ್ಸ್ ಮಾಡಿದ ಪೊಲೀಸ್ ಅಧಿಕಾರಿ..! ,’ವಾವ್ ಸರ್ ನಿಮ್ಮ ಡ್ಯಾನ್ಸ್ ಅದ್ಭುತ’ವೆಂದ ನೆಟ್ಟಿಗರು..!

ನ್ಯೂಸ್ ನಾಟೌಟ್ : ಪೊಲೀಸರು ಯಾವತ್ತೂ ತುಂಬಾ ಗಂಭೀರವಾಗಿರುತ್ತಾರೆ.ಅವರ ಡ್ಯೂಟಿಯೇ ಹಾಗೆ.ಆದರೆ ಕೆಲವೊಮ್ಮೆ ಅವರು ಕೂಡ ಆಗಾಗ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸುತ್ತಾರೆ.ಎಷ್ಟೋ ಪೊಲೀಸರು ಸಿಂಗರ್‌ಗಳಾಗಿರುವುದನ್ನು ಗಮನಿಸಿದ್ದೀರಿ..ಡ್ಯಾನ್ಸರ್ ಆಗಿರೋದನ್ನು ನೋಡಿರುತ್ತೀರಿ..ಇದೀಗ ಇಲ್ಲೊಬ್ಬರು ಪೊಲೀಸ್ ಸಕತ್ ಟ್ರೆಂಡಿಂಗ್‌ನಲ್ಲಿರುವ ಕಾವಾಲಯ್ಯ ಹಾಡಿಗೆ ಭರ್ಜರಿ ಸ್ಟೆಪ್ಸ್ ಹಾಕಿ ಸುದ್ದಿಯಾಗಿದ್ದಾರೆ..!

ಹೌದು, ರಜನಿಕಾಂತ್‌ ಅವರ ಜೈಲರ್‌ ಸಿನಿಮಾದ ʼಕಾವಾಲಯ್ಯʼ ಹಾಡು ಭಾರೀ ಫೇಮಸ್‌ ಆಗಿದೆ. ಅದರಲ್ಲಿ ತಮನ್ನಾ ಭಾಟಿಯಾ ಅವರ ಸ್ಟೆಪ್ಸ್‌ಗಳು ಎಲ್ಲರನ್ನೂ ಬೆರಗುಗೊಳಿಸುವಂತೆ ಮಾಡಿವೆ.ಈ ಹಾಡಿಗೆ ಯುವಸಮೂಹ ಕುಣಿದು ಕುಪ್ಪಳಿಸಿ ಸಾಮಾಜಿಕ ಜಾಲತಾಣದಲ್ಲಿ ರೀಲ್ಸ್ ಮಾಡಿ ಹರಿಯಬಿಡುತ್ತಿದ್ದಾರೆ.ಯೂಟ್ಯೂಬ್‌, ಇನ್‌ಸ್ಟಾಗ್ರಾಂ, ಫೇಸ್‌ಬುಕ್‌ ಎಲ್ಲೇ ಹೋಗ್ಲಿ ಇದರ ಹವಾ ಜೋರಾಗಿದೆ. ಇದೀಗ ಮಹಾರಾಷ್ಟ್ರದ ಮುಂಬೈನ ಪೊಲೀಸ್‌ ಅಧಿಕಾರಿಯೊಬ್ಬರು ನೃತ್ಯ ಕಲಾವಿದೆಯೊಂದಿಗೆ ಕಾವಾಲಯ್ಯ ಹಾಡಿಗೆ ಹೆಜ್ಜೆ ಹಾಕಿರುವುದು ಗಮನ ಸೆಳೆದಿದೆ. ಅವರ ಈ ವಿಡಿಯೊ ಸಾಮಾಜಿಕ ಜಾಲತಾಣಗಳ ತುಂಬೆಲ್ಲ ಹರಿದಾಡಿದ್ದು, ಭಾರೀ ವೈರಲ್‌ (Viral Video) ಆಗಿದೆ.

ಡಾನ್ಸ್ ವಿಡಿಯೋ ಲಿಂಕ್ ಇಲ್ಲಿದೆ ನೋಡಿ

https://www.instagram.com/reel/Cu805Mdo7CC/?utm_source=ig_web_copy_link&igshid=MzRlODBiNWFlZA==

ಮುಂಬೈನ ಡ್ಯಾನ್ಸಿಂಗ್‌ ಕಾಪ್‌ ಎಂದೇ ಪ್ರಸಿದ್ಧರಾಗಿರುವ ಅಮೋಲ್‌ ಕಾಂಬ್ಳೆ ಅವರು ನೃತ್ಯ ಕಲಾವಿದೆ ಶ್ರೇಯಾ ಸಿಂಗ್‌ ಅವರೊಂದಿಗೆ ಸೇರಿಕೊಂಡು ಕಾವಾಲಯ್ಯ ಹಾಡಿಗೆ ನೃತ್ಯ ಮಾಡಿದ್ದಾರೆ.ಈ ಡ್ಯಾನ್ಸ್‌ ಗಮನಿಸಿದ ನೆಟ್ಟಿಗರು ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದಾರೆ.ಡ್ಯಾನ್ಸ್‌ ಸ್ಟುಡಿಯೋದಲ್ಲೇ ಇಬ್ಬರೂ ನೃತ್ಯ ಮಾಡಿದ್ದು ಸಕತ್ ವೈರಲ್ ಆಗಿದೆ. ಶ್ರೇಯಾ ಅವರು ಬಿಳಿ ಬಣ್ಣದ ಟಿ ಶರ್ಟ್‌ಗೆ ಕಪ್ಪು ಬಣ್ಣದ ಪ್ಯಾಂಟ್‌ ಧರಿಸಿದ್ದರೆ, ಅಮೋಲ್‌ ಅವರು ಕಪ್ಪು ಬಣ್ಣದ ಪ್ಯಾಂಟ್‌, ಬಿಳಿ ಬಣ್ಣದ ಟಿ ಶರ್ಟ್‌ ಹಾಗೂ ಅದರ ಮೇಲೆ ಬಿಳಿ ಮತ್ತು ಕಪ್ಪು ಬಣ್ಣವಿರುವ ಶರ್ಟ್‌ ಧರಿಸಿದ್ದಾರೆ.

ಇಬ್ಬರೂ ಒಟ್ಟಾಗಿ ಒಂದೇ ರೀತಿಯಲ್ಲಿ ಕಾವಾಲಯ್ಯ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ.ಈ ವಿಡಿಯೊವನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಅಮೋಲ್‌ ಅವರು, “ಕಾವಾಲಾ ಬ್ಯಾಂಗರ್‌ ಆಗಿರಬೇಕು” ಎಂದು ಕ್ಯಾಪ್ಶನ್‌ ಬರೆದುಕೊಂಡಿದ್ದಾರೆ. ಹಾಗೆಯೇ ವಿಡಿಯೊವನ್ನು ಶ್ರೇಯಾ ಅವರೇ ಕೋರಿಯಾಗ್ರಫಿ ಮಾಡಿದ್ದು ಎನ್ನುವ ಮಾಹಿತಿಯನ್ನೂ ಅದರಲ್ಲಿ ಹಂಚಿಕೊಂಡಿದ್ದಾರೆ.ಈ ಮೂಲಕ ಕಾವಾಲಯ್ಯ ಹಾಡಿಗೆ ಹಜ್ಜೆ ಹಾಕದವರು ಯಾರೂ ಇಲ್ಲ ಎಂಬುದಕ್ಕೆ ಸಾಕ್ಷಿಯಾಗಿದೆ.

https://www.instagram.com/reel/Cu805Mdo7CC/?utm_source=ig_web_copy_link&igshid=MzRlODBiNWFlZA==

ಈ ವಿಡಿಯೊವನ್ನು ಅಮೋಲ್‌ ಅವರ ಇನ್‌ಸ್ಟಾಗ್ರಾಂ ಪೇಜ್‌ನಲ್ಲಿ ಜುಲೈ 21ರಂದು ಹಂಚಿಕೊಳ್ಳಲಾಗಿದೆ. ಅಂದಿನಿಂದ ಇಂದಿನವರೆಗೆ ವಿಡಿಯೊ ಲಕ್ಷಾನುಗಟ್ಟಲೆ ಅಧಿಕ ಮಂದಿಯಿಂದ ವೀಕ್ಷಣೆ ಪಡೆದುಕೊಂಡಿದೆ. 25,500 ಜನರಿಗೂ ಅಧಿಕ ಮಂದಿ ವಿಡಿಯೊಗೆ ಲೈಕ್‌ ಮಾಡಿದ್ದಾರೆ.ಹಾಗೆಯೇ ನೂರಾರು ಮಂದಿ ವಿಡಿಯೊವನ್ನು ತಮ್ಮ ಸ್ನೇಹಿತರೊಂದಿಗೆ ಹಂಚಿಕೊಂಡಿದ್ದಾರೆ ಕೂಡ.

ಪೊಲೀಸ್‌ಗೆ ಅವರ ಅಭಿಮಾನಿಗಳು ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ.“ವಾವ್‌. ಈ ವಿಡಿಯೊವನ್ನು ಲೂಪ್‌ನಲ್ಲಿ ನೋಡುತ್ತಿದ್ದೇನೆ”, “ವಾವ್‌ ಸರ್‌! ಎಷ್ಟು ಚೆನ್ನಾಗಿ ನೃತ್ಯ ಮಾಡಿದ್ದೀರಿ”, “ಅತ್ಯದ್ಭುತವಾಗಿದೆ ಅಮೋಲ್‌ ಕಾಂಬ್ಳೆ ಸರ್‌”, “ಅದ್ಭುತವಾದ ನೃತ್ಯ ಸಹೋದರ”, “ಬ್ಯೂಟಿಫುಲ್‌ ಡ್ಯಾನ್ಸ್‌”, “ವಾಟ್‌ ಎ ಮೂವ್‌!” ಎನ್ನುವಂತಹ ಕಾಮೆಂಟ್‌ಗಳು ಅವರನ್ನು ಪ್ರೇರೆಪಿಸುವಂತೆ ಮಾಡಿವೆ. ಹಾಗೆಯೇ ಅಮೋಲ್‌ ಅವರ ಜತೆ ನೃತ್ಯ ಮಾಡಿದ ಶ್ರೇಯಾ ಅವರನ್ನು ಕೂಡ ಶ್ಲಾಘಿಸಿದ್ದಾರೆ.