ನ್ಯೂಸ್ ನಾಟೌಟ್ : ಈ ಹಿಂದೆ ಫೇಮಸ್ ಕಾರ್ಯಕ್ರಮಕ್ಕೆ ಡಾ.ಬ್ರೋ ಕರೆಸುತ್ತೀರಾ ಎಂಬ ಪ್ರಶ್ನೆ ಎದ್ದಾಗ ಕಾರ್ಯಕ್ರಮಕ್ಕೆ ಸಂಬಂಧಿಸಿದವರು ಡಾ. ಬ್ರೋ ಯಾರು, ಆತ ನಿಮ್ಮ ಅಮ್ಮ ಹಾಗೂ ಅಜ್ಜಿಗೆ ಗೊತ್ತಾ ಎಂದು ಪ್ರಶ್ನೆ ಕೇಳಿದ್ದರು. ಈ ಮೂಲಕ ಡಾ ಬ್ರೋ ಹಿರಿಯರಿಗೆ ಗೊತ್ತಿರುವ ವ್ಯಕ್ತಿ ಅಲ್ಲ ಎಂಬ ರೀತಿ ಮಾತಾಡಿದ್ದರು. ಅವರ ಈ ಹೇಳಿಕೆಗೆ ಭಾರೀ ವಿರೋಧ ವ್ಯಕ್ತವಾಗಿತ್ತು.ಇದೀಗ ನಟ ಚಂದನ್ ಅವರು ಡಾ.ಬ್ರೋ ಅವರ ಕುರಿತಂತೆ ಗುಣಗಾನ ಮಾಡಿದ್ದಾರೆ.
ಇಡೀ ರಾಜ್ಯದಲ್ಲಿ ಗಮನ ಸೆಳೆದ ಯುವಕ ಹಾಗೂ ಇಡೀ ಪ್ರಪಂಚವನ್ನೇ ಸುತ್ತಿ ಪ್ರಪಂಚದ ಮೂಲೆ ಮೂಲೆಯನ್ನು ಧ್ಐರ್ಯದಿಂದ ಮುನ್ನುಗ್ಗಿ ಪರಿಚಯ ಮಾಡುತ್ತಿರುವ ಡಾ.ಬ್ರೋ ಇಂದು ಎಲ್ಲರಿಗೂ ಚಿರಪರಿಚಿತ.’ನಮಸ್ಕಾರ ದೇವರು’ ಎನ್ನುತ್ತಾ ಜನರನ್ನು ತನ್ನ ಮಾತಿನಿಂದಲೇ ಮೋಡಿ ಮಾಡೋ ಈ ಹುಡುಗ ಉಗಾಂಡದ ಕೆಲ ಸ್ಥಳಗಳಿಗೆ ತೆರಳಿ ಪರಿಚಯ ಮಾಡಿದ್ದಾರೆ.ಅಲ್ಲಿ ನಲವತ್ತು ವರ್ಷಕ್ಕೆ ನಲವತ್ತನಾಲ್ಕು ಮಕ್ಕಳನ್ನು ಹೆತ್ತಿರುವ ಮಹಾತಾಯಿ ಮೋಸ್ಟ್‌ ಲೀ ಪ್ರಪಂಚದಲ್ಲಿ ಇವ್ರೇ ಮೊದಲಿರಬೇಕು ಅಷ್ಟು ಮಕ್ಕಳನ್ನು ಹೆತ್ತಿರೋದು, ಈಗ ನಾವು ಅವರನ್ನು ನೋಡೋದಕ್ಕೆ ಹೋಗ್ತಾ ಇದ್ದೀವಿ..’ ಎಂದು ಹೇಳುತ್ತಾ ಅವರ ಪರಿಚಯ ಮಾಡುತ್ತಾನೆ .ವಿಶೇಷವೆಂದರೆ ಸಾವಿರಾರು ಮೈಲಿ ದೂರದ ಉಗಾಂಡಾದ ಯಾವುದೋ ಹಳ್ಳಿಯಲ್ಲಿ ನಿಂತು ಮಾತಾಡಿದ ಡಾ.ಬ್ರೋ ವಿಡಿಯೋ ಭಾರಿ ವೈರಲ್ ಆಗಿದೆ.
ಡಾ.ಬ್ರೋ. ಮೂರೇ ಮೂರು ದಿನದಲ್ಲಿ ಉಗಾಂಡ ವೀಡಿಯೋ ಮಿಲಿಯನ್‌ಗಟ್ಟಲೆ ವೀಕ್ಷಣೆ ಪಡೆದುಕೊಂಡಿದೆ.ಇನ್ನೊಂದು ರೋಚಕ ಘಟನೆ ಎಂದರೆ ಮನುಷ್ಯರನ್ನು ಕತ್ತರಿಸಿ ತಿನ್ನುತ್ತಿದ್ದ ವ್ಯಕ್ತಿಯೊಬ್ಬನ ಬಗ್ಗೆ ಎಪಿಸೋಡ್‌ ಮಾಡಿದ್ದು, ಇದು ಕೂಡ ಭಾರಿ ವೈರಲ್ ಆಗಿತ್ತು.19,000 ಜನರ ಮಾರಣ ಹೋಮವಾದ ಹಾಗೂ ಲಾರಿಯಲ್ಲಿ ಜನರನ್ನು ತುಂಬಿ ಒಂದು ಜಾಗಕ್ಕೆ ತಂದುಬಿಟ್ಟು ಅವರನ್ನು ವಿಕೃತವಾಗಿ ಸಾಯಿಸುತ್ತಿದ್ದವರ ಬಗ್ಗೆ.ಇಂತಹ ಭಯಾನಕ ಸ್ಟೋರಿಯನ್ನು ಇನ್ನೂ ೨೫ ವರುಷ ತುಂಬದ ಈ ಯುವಕ ಸ್ಥಳಗಳಿಗೆ ತೆರಳಿ ಮಾಡುತ್ತಾನೆ .ಇದೀಗ ಇವರಿಗೆ ಸಪೋರ್ಟಿವ್ ಆಗಿ ನಟ ಚಂದನ್ ಗೌಡ ಮಾತಾಡಿದ್ದು ಸೋಷಿಯಲ್ ಮೀಡಿಯಾದಲ್ಲಿ ಬಾರಿ ವೈರಲ್ ಆಗಿದೆ.
ಈ ಯುವಕನ ಹೆಸರು ಗಗನ್ ಶ್ರೀನಿವಾಸ್. ಅತಿ ಹೆಚ್ಚಿನ ಯಶಸ್ಸು ಹಾಗೂ ಖ್ಯಾತಿಯನ್ನು ಗಳಿಸಿರುವಂತಹ ಪ್ರತಿಭೆ. ಡಾ ಬ್ರೋ ಎಂಬ ಹೆಸರಿನಲ್ಲಿ ಯುಟ್ಯೂಬ್ ಚಾನೆಲ್ ಶುರು ಮಾಡಿದ ಗಗನ್ ಬೈಕ್ , ಕಾರ್ ಬಳಸದೇ ಸಾರ್ವಜನಿಕ ವಾಹನಗಳನ್ನು ಬಳಸಿಕೊಂಡು ಹಲವಾರು ದೇಶಗಳನ್ನು ಸುತ್ತಿ, ಆ ದೇಶಗಳು ಹಾಗೂ ಅಲ್ಲಿನ ಜೀವನಶೈಲಿಯನ್ನು ಕನ್ನಡ ಜನರಿಗೆ ತೋರಿಸಿ ಇದೀಗ ಎಲ್ಲ ವಯೋಮಾನದವರ ಅಚ್ಚುಮೆಚ್ಚಾಗಿದ್ದಾರೆ.
ಈತನನ್ನು ಸ್ಟಾರ್ ಯುಟ್ಯೂಬರ್ (Youtuber) ಅಂತಲೇ ಹೇಳಬೇಕು. ಏಕೆಂದರೆ ಈತನಿಗೆ ಮಿಲಿಯನ್ ಗಟ್ಟಲೆ ಫಾಲೋವರ್ಸ್ ಇದ್ದಾರೆ. ಅನೇಕ ಸ್ಟಾರ್ ನಟರೂ ಈತನ ಯೂಟ್ಯೂಬ್ ಫಾಲೋ ಮಾಡ್ತಾರೆ. ಇತ್ತೀಚೆಗೆ ಡೇರ್‌ ಡೆವಿಲ್‌ ಮುಸ್ತಾಫಾ ಸಿನಿಮಾ ಟ್ರೇಲರ್‌ಗೆ ಇವರು ವಾಯ್ಸ್‌ ಓವರ್ (Voice Over) ಕೊಟ್ಟಿದ್ದು ಬಾರಿ ಮೆಚ್ಚುಗೆ ಗಳಿಸಿತ್ತು.
ಈಗ ವಿಷಯ ಏನಪ್ಪಾ ಅಂದರೆ, ಹಳೆಯ ಲಕ್ಷ್ಮೀ ಬಾರಮ್ಮ ಸೀರಿಯಲ್‌ ಮೂಲಕ ಸಖತ್ ಫೇಮಸ್ ಆದ ನಟ ಚಂದನ್ ಕುಮಾರ್ ಈತನನ್ನು ಹಾಡಿ ಹೊಗಳಿದ್ದಾರೆ. ಅದರ ಜೊತೆಗೆ ಈ ಹಿಂದೆ ಪ್ರಸಿದ್ಧ ಸಾಧಕರ ಸಂದರ್ಶನಕ್ಕೆ ಡಾ.ಬ್ರೋ ಅವರನ್ನು ಕರೆಸಬೇಕು ಎಂದು ಹೇಳಿದಾಗ ಕೆಲವರು ತಿರಸ್ಕಾರ ಮಾಡಿದವರಿಗೂ ಚಂದನ್ ಟಾಂಗ್ ಕೊಟ್ಟಿದ್ದಾರೆ. ನಿನ್ನ ಜರ್ನಿಗೆ ಆಲ್ ದ ಬೆಸ್ಟ್ ಎಂದಿದ್ದಾರೆ.
ನೀವು ಯಾರೂಂತ ನಮ್ಮ ಅಮ್ಮ , ಅಜ್ಜಿಗೆ ಗೊತ್ತಿದೆ ಬ್ರೋ..ಯಾರು ಏನೇ ಹೇಳಲಿ.. ನೀನು ಸಾಧಕ. ನನ್ನ ಕಡೆಯಿಂದ ನಿನಗೆ ಬೆಸ್ಟ್ ವಿಶಸ್. ನಮ್ಮಿಬ್ಬರಿಗೂ ಪರಿಚಯವಿಲ್ಲ ಆದರೆ ನಿನ್ನ ವಿಡಿಯೊ, ಪ್ರಾಮಾಣಿಕತೆ (Honesty), ನೈಜತೆ, ತರಲೆ ಹಾಗೂ ಕೊಂಕುನುಡಿಗಳು ನನಗೆ ಸಿಕ್ಕಾಪಟ್ಟೆ ಇಷ್ಟ’ ಎಂದು ಬರೆದುಕೊಂಡಿದ್ದಾರೆ.ಡಾ ಬ್ರೋ ಫ್ಯಾನ್ಸ್‌ ಚಂದನ್ ಕುಮಾರ್‌ಗೆ ಜೈ ಅಂದಿದ್ದಾರೆ. ಆದರೆ ಇದನ್ನು ಸ್ವಲ್ಪ ಮೊದಲೇ ಹೇಳ್ಬೇಕಿತ್ತಲ್ವಾ ಬ್ರೋ ಅಂತನೂ ಚಂದನ್‌ಗೆ ಟಾಂಗ್ ಕೊಟ್ಟಿದ್ದಾರೆ.
